لهذا السبب.. حازم ايهاب يتصدر التريند

تصدر الفنان حازم إيهاب مؤشر البحث "جوجل" خلال الساعات الماضية، وذلك بعد أن حل ضيفًا على برنامج "رمادي" مع الإعلامية عبير بسيوني والذي يذاع على حسابها الشخصي بموقع التواصل الاجتماعي "فيسبوك"، وتحدث فيه عن تفاصيل وفاة نجله يونس.

حازم إيهاب يكشف كواليس مرض نجله

وتحدث حازم إيهاب خلال لقاءه عن معرفته بمرض طفله قبل الولادة، مُشيرًا إلى أنه كان يعاني من عيب خلقي في القلب، واستعان بالأزهر فأجازوا له إجهاضه، مُضيفًا:" لما منة كانت حامل في الشهر الخامس عرفنا إنه هيبقى فيه عيب خلقي في القلب، وسألت في الأزهر عن إجهاض الطفل قالوا يجوز إننا ننزله، تفكيرى اللى ربنا كاتبه له هيشوفه بس مش هعرف أسامح نفسى لو كنت وافقت على إجهاضه كنت ممكن أطارد نفسى وألومها بعدها بكام شهر مش جايز كان ربنا حط فيه معجزة".

حازم ايهاب: منة مكنتش تعرف إنه دخل عمليات

واستكمل الفنان حازم إيهاب حديثه: "يونس لما جه منة مكانتش عارفة إنه دخل العمليات، ودي كانت مشكلة أكبر بكتير، نقلناه المستشفى، وفضلنا نقول لمنة إنه تحت في الحضانة، كام يوم وابتديت أسرسب لها المعلومات واحدة واحدة".

حازم ايهاب يتحدث عن لحظة وفاة ابنه

وتابع حازم ايهاب حديثه كاشفًا لحظة علمه بالوفاة: "لقيت تليفون جايلي أنه توفى يعني، روح بقى لف لفة تصاريح الدفن وحساب المستشفى، وطبعًا من سذاجتي عشان أول مرة أكون في موقف زي ده روحت مكلم حد حجزلي قاعة عزاء وبعدين اكتشفت أنه الأطفال مبيكونش ليهم عزاء أصلا".

وتابع حديثه قائلًا: "ابني كان مكتوب له إنه ييجى الدنيا ويقعد معانا 13 يوم ويروح للى خلقه تانى يعنى ابن اللذينة ضمن الجنة من غير أى حاجة".

حازم ايهاب يروي تفاصيل جنازة طفله

وتابع حازم ايهاب حديثه قائلًا: "وبرضو من سذاجتي باخد يونس وهو في الكفن ورايحين نصلي عليه، فإمام المسجد لقيته بيضحك وقالي يا حبيبي إحنا بنصلي على المتوفي عشان ربنا يخفف عنه ويرحمه وكده.. فإحنا بنصلي على ده ليه؟ ده إحنا نحاول نتمحك فيه بس كده عشان يدخلنا معاه الجنة، وراح واخده مني وحاطه مع نعش حد كان بيتصلى عليه برضو وروحنا مصليين عليه".

وفاة نجل حازم إيهاب

ويذكر نجل الفنان حازم إيهاب،وقد رحل في شهر مارس الماضي، ووجه رسالة شكر لكل من قدموا له واجب العزاء، عقب وفاة ابنه الرضيع، وتمنى ألا يرى أحد ما شاهده في نجله الرضيع.

وجوه..آخر اعمال حازم إيهاب 

والجدير بالذكر أن آخر أعمال الفنان حازم إيهاب في مسلسل وجوه، الذي عُرض في السباق الرمضاني لعام 2022، وضم المسلسل العديد من الفنانين، منهم: حنان مطاوع، حازم إيهاب، محمود عبد الغني، هالة فاخر، وهو من تأليف محمد علي إبراهيم، وإخراج معتز حسام.