"دبحتها مرتين عشان متتعذبش".. ننشر نص اعترافات المتهم بقتل ابنة خاله في أوسيم (مستندات)

وجهت النيابة العامة، عدة اتهامات للمتهم "اندرو.ح" المتهم بقتل ابنة خاله وتدعى "أمل" في القضية رقم 864 إداري مركز أوسيم لسنة 2022،  بعدما فشل في اغتصابها فذبحها داخل مسكنها بأوسيم، وكانت الاتهامات أن المتهم قتل المجني عليها عمدًا مع سبق الإصرار والترصد بأنه بيت النيه وعقد العزم على قتلها فتوجه لمسكنها حيث أعدد لهذا الغرض باستخدام السكين، وقد اقترن بهذه الجناية جناية أخرى أنه في ذلك المكان قمت بهتك عرض المجني عليها بالقوة والتهديد بإجبارها على تجريد ملابسها، وملامسة أجزاء عفتها عنوة.
 

يواصل بوابة "الفجر" في نشر نص اعترافات المتهم بقتل ابنة خاله في أوسيم.

س. مالذي حدث تحديدًا قبل ارتكابك للواقعة؟

ج.أنا كنت نايم في البيت عند ستي وكنت إجازة من الشغل، صحيت من النوم جت في دماغي أمل، وافتكرت الفيديو اللي شوفته وكنت هايج جنسيا أول ماصحيت.

س. ومالذي بدر منك عقب دخولك في تلك الحالة؟

ج.أنا روحت الأول أتاكد أن أبوها وأمها وأخوها في الشغل وأتاكد إنها لوحدها

س.هل قمت بالذهاب إلى منزلها؟

ج.أيوة أنا فعلا لما اتأكدت إنها لوحدها، فرحت على بيتها

س.ما مضمون الحوار الذي دار بينك وبين المجني عليها؟

ج.قولتلها عاوز أشرب وهي راحت جابتلي كوباية ميه

س.ما الذي حدث عقب ذلك؟

ج.أنا شربت كوباية الميه، ورحت حطيتها في المطبخ، وجبت سكينة حطتها في كم إيدي اليمين ورجعتلها.

س.ما الذي دعاك لإتيانك بذلك السلاح وإحرازه داخل ملابسك؟

ج.أنا كنت جايب السلاح ده عشان بصراحة كنت عاوز أنام معاها وأقولها على الفيديو اللي شوفته، لو قلعت بالذوق خلاص، لو لا ههدها بالسكينة.

س.وما التصرف الذي بدر من المجني عليها؟

ج.هي أنكرت ورفضت تقلع هدومها فروحت طلعت السكينة من كم إيدي وقولتلها اقلعي.

س.هل حاولت المجني عليها مقاومتك؟

ج.أيوة كانت بتزقني وبتحاول تصوت وعضتني في إيدي

س. ما الذي حدث عقب دلوفك للغرفة الأخرى الموجودة بالمسكن؟

ج.هي مكنتش عاوزة تسكت خالص فرحت ضربتها بالسكينة في بطنها عشان تسكت.

س. هل أتيت بأفعال أخرى لإسكاتها؟

ج.أيوة لأنها فضلت تصرخ أكتر، ففضلت ماسكها ومشيت بيها لحد الصالة عشان أجيب سكينة تانية، لأن السكينة اللي معايا كانت تلمة.

س. وما الذي نما إلى عقلك أن ذلك السلاح ذو حافة حادة؟

ج.لأني كنت دابح بيها عجل قبل كدا بمناسبة إنهم بنوا البيت
 

اقرأ أيضا.."القاتل بكى عليها وقالي هجبلك حقها".. أول حوار مع أسرة الطالبة المذبوحة على يد نجل عمتها في أوسيم (فيديو وصور) 

س.وما الذي فعلت عقب إحرازك للسلاح؟

ج.أنا بعد مادخلت بيها الأوضة تاني فكيتها من تحت دراعي ومسكتها بكف إيدي الشمال من رأسها ودبحتها من رقبتها ورميتها على السرير.

س.وما هي الحالة التي كانت عليها المجني عليها؟

ج.هي كانت بتشحر من رقبتها وبتطلع صوت زي صوت العجل لما بيدبح وكانت بتشاورلي وكانت عايشة.

س.وما التصرف الذي بدر منك حال استغاثتها بك؟

ج.أنا بصيت عليها لقيتها بتموت بس بتتعذب فرجعت تاني ودبحتها كويس وقطعت العرق بتاع الدم عشان أرحمها وماتتعذبش.

س. كم ضربة تحديدا للمجني عليها؟

ج.أنا ضربتها 3 ضربات

س.وأين استقرت تلك الضربات تحديدًا؟

ج.في ضربة جت في بطنها تحت الضلع بتاع صدرها، وضربتين من رقبتها اللي موتوها

س.وما الذي دعاك لاستبدال السلاح الأبيض تحديدا؟

ج.عشان السكينة اللي كانت معايا تلمة مش حامية

س. ومتى تحديدا تولدت لديك فكرة قتلها؟

ج.لما لقيت خلاص الموضوع باظ وكمان لما أخوها جه لقيتها بتصوت وهتفضحني فقولت أخلص منها.

1 أغسطس أولى الجلسات

قررت جنايات الجيزة،  تحديد أولى  جلسات واقعة مقتل فتاة على يد ابن خالها، في محاولة منه لاغتصابها، لجلسة 1 أغسطس المقبل.