صفحة كارلوس لاتوف تكتب " اكاذيب الثورة المصرية "

الاعتصام في التحرير هو اللي اسقط مبارك

دي واحدة من اكاذيب الثورة المصرية ,اسقاط مبارك كان عمل تدريجي بدأ بضرب اقسام الشرطة و انسحابهم من الشوارع و هروبهم و دي هي القبضة الامنية لسيطرة النظام على البلد ,.

و لو الشرطة مسقطتش مش هيرحل مبارك و مفيش شخص يقولي الاخوان ضربوا الاقسام , الاخوان ضربوا السجون اللي فيها قياداتهم بس و مفيش ولا واحد اخواني مات او اتصاب قدام قسم شرطة .

الشرطة اسمها الشعبي حكومة و الشعب لما ضرب الشرطة ضرب الحكومة لان الشرطة في نظرهم هي الحكومة .

اقسام الشرطة هي قلاع الظلم في نظر الشعب و رمز للمهانة و الظلم و الاستبداد

بعد سقوط الشرطة يجي اعتصام التحرير و الزحف على القصور و لو مكنتش الشرطة سقطت و النظام فقد السيطرة على البلد والله لو كنا قعدنا في التحرير 18 سنة مش هيسقط مبارك أو بالتعبير الادق يتنحى و مع ذلك دي برضو مش سبب تنحي مبارك اللي بنسميه سقوط .

مبارك تنحى لانه خاف الشعب يفتك بيه لو مسكه هو و اسرته و الجيش ضغط عليه يتنحى مقابل الامان هو اسرته و الحفاظ على ثرواتهم و الاخوان هما الطرف الوحيد اللي موافق ان كله يخرج خروج امن مقابل استلامهم للسلطة في مصر بموافقة امريكا اللي كل طلاياتها نفضل شعب عبيد و جاهل طالما دة اللي هيضمن مصالح الامريكان في قناة السويس و يضمن امن اسرائيل و الاخوان اكتر فصيل قدم ضمانات تضمن للامريكان دة .

مبارك هيطلع براءة لان جريمته قتل بالامتناع يعني امتنع عن حماية المتظاهرين من طرف مجهول قتلهم دي جريمته و بسهوله شديدة يقدر يثبت ان المتظاهرين كانوا بيضربوا الداخلية فيطلع براءة و الاخوان موافقين على دة مقابل السلطة

بلاش نضحك على نفسنا .. مفيش ثورة سلمية و مفيش حرية تمنها 2000 شخص و مفيش ثورة تسيب اللي خانهم يحكم و مفيش ثورة تستنى محاكم عادية للي قتل ثوارها .

انسوا الاكاذيب دي .. الثورة قادمة و هتطون طوفان ابادة لكل رموز الظلم و من فضل الله ان الاخوان حكموا مش شفيق عشان يتبداوا مع اللي هيتباد و الا كانوا هيفضلوا في نظر اغلب الشعب انهم اخوان مسلمين و مظلومين و مبارك كان قاهرهم عشان حبهم لمصر و كل الهبل دة اللي كان المصريين مصدقينه

طوفان الثورة قادم قادم و اللي حصل خلال سنتين دي محاولات امريكية لترويض الثورة المصرية اللي كانت جاية جاية من غير لا برادعي ولا خالد سعيد و لا ولا ولا .. كل دة مش اسباب لان لو خالد سعيد السبب فمحمد الجندي اتعذب اكتر من خالد سعيد بكتير، خالد اتضرب نص ساعة فمات في ايد المخبرين من الضرب اما محمد الجندي فضل يتعذب في ايدهم 4 ايام بابشع انواع التعذيب

الثورة بركان هينفجر و كل اللي بيحصل من 25 يناير لغاية دلوقتي هو محاولات لترويض الثورة المصرية عشان متخرجش عن سيطرة الامريكان فيلاقوا في وشهم صين تانية نسخة مصرية تقدر تقول لامريكا فيتو .