5 خروجات مختلفة في القاهرة.. الأكثر فرهدة وتوفيرا!
١- نادي التنمية - شيراتون
من أفضل الخروجات المختلفة واللي مش هتكلفك أي حاجة هو نادي التنمية، الدخول بـ١٠ جنيهات، وهتقدر فيها تلعب أي حاجة أنت عايزها زي بينج بونج، إسكواش، وكلها بأسعار لا تُذكر ولو رايح مجموعة كبيرة ممكن تحجزوا ملعب وتلعبوا كورة، سلة، فيه العاب إلكترونية، وفيه كمان أرخص بولينج ممكن تلعبه بـ١٠ جنيهات، وهتلاقي كمان كافيتريا تشرب اللي أنت عايزه، وتراك كبير تقدر تتمشى أو تجري فيه.. وزيه بالظبط الـIBC المركز الدولي للبولينج هو أكثر احترافية في البولينج بس أغلى شوية.
بتعرف تلعب كرة؟ طب ورينا.. "فوت بارك" هي أول مدينة ملاهي خاصة بكرة القدم، ممكن تلعب 16 تحديا مختلفا بجوائز فورية وقيمة تصل لبلاستيشن ٤.. التحديات هي : العارضة، التصويب داخل السلة، قوة التصويب، الركلات الثابتة نحو الهدف، دارتس كرة القدم، كونيكت فور، كرة التنس الطائرة، فوت باسكت، وحاجات تانية كثير.
دي عبارة عن متاهات، أنت بتدخل أوضة أنت وأصحابك ومفروض بتقعد جوه الأوضة دي ٦٠ دقيقة وبتبقى محتاج تخرج قبل الوقت ده ما ينتهي، يعني بتحتاج أنك تكون لماح، وأنك تستغل كل حاجة موجودة في الأوضة علشان تخرج منها قبل نهاية الوقت، كل أوضة ليها فكرة وكلها بتختلف من مكان للتاني، وفيه أماكن فيها أكثر من فكرة.. أنا مش هقول على مكان معين .. أنت ممكن تدخل تدور بنفسك وتختار المناسب بالنسبالك.. بس دي مكلفة شوية يعني فيه أماكن ممكن تكلف الشخص الواحد ١٢٠ جنيها وفيه أماكن أقل من كدة وفيه أماكن أكثر، ودي ممكن تشيل لحد ٦ مثلا.
مكان كبير أوي فيه ترامبولين في كل حتة، تفضل تتنطط في كل مكان، وكله كور، وتفضل تلعب لحد ما تقول حرمت، على ما اتذكر يوم ما لعبتها الأول دخلت مكان فيه اثنين بس انت من ناحية والتاني من الناحية التانية وتفضلوا تنقلوا لبعض الكرة، وبعدها مكان واسع كدة كله تنطيط وشقلبظات للصبح يا معلم، وفي الآخر عملنا زي ماتش كدة واحنا عمالين نتنطط، تجربة مختلفة ولو روحت عدد هيبقى الموضوع لطيف، سعرها زيادة عن الـ١٠٠ جنيه.
فيه راجل أجنبي عايش في مصر اسمه ماريو عمل العاب الحبال جوه دير سمعان الخراز بالمقطم، ٤ ألعاب مش موجودين في أي مكان بالقاهرة إلا هناك.. ألعاب صعبة وممتعة في نفس الوقت، حاجات مختلفة وبتتراوح أسعرها بين ٥٠ لـ١٠٠.. الألعاب عبارة عن أنك هتطلع على برج وتتربط بحبل وبعدها هتنزل لتحت، وتتسلق الصخور، وهتمشي على الحبل والجسر، وهتطلع الجبل وتتنقل بالحبال، وكل الألعاب مؤمنة.