تويتر وفيسبوك يرفضان دعم "مصر فوق الجميع " لترشيح طنطاوي رئيسا لمصر
انتشرت على مواقع التواصل الاجتماعى حملات غاضبة بعدما تصدر موقع مصر فوق الجميع حملة لدعم المشير طنطاوى لرئاسة الجمهورية وكان من أبرز التعليقات على تلك الحملة :
- إنما مين بقى ورا حملة ترشيح المشير لرئاسة الجمهوريه؟؟؟ أصابع خارجيه بردو ...و عناصر مجهولة وإلا ايه؟؟؟
- إئتلاف ترشيح جمال مبارك ( مجدى الكردي ) يعود في نيولوك !!!!! لترشيح المشير طنطاوي رئيس الجمهورية |
- حملة لترشيح المشير طنطاوي رئيساً لمصر...تحت شعار مطلب شعبي للاستقرار .. فمن يريد لمصر أن تفشل فيما نجحت فيه تونس؟
- اظاهر الفلول لقوا الشغل مع مبارك خلاص مش جايب همه فقالوا ننقل بقى على المشير بس بعينهم ..والله نعمل لهم ثورة تانية .
- حملة لترشيح المشير طنطاوي لرئاسة الجمهورية تحت شعار مطلب شعبي للاستقرار ! .. ويطلع يقول لم أكن أنتوي الأول .. وبعدين يرضخ للأرادة الشعبية
- العسكر أكدوا أكثر من مرة بأنهم غير طامعين في السلطة والدليل على ذلك بداية حملة تلميع المشير على بعض القنوات الفضائية وحملة جمع أصوات التأييد
- انتخب المشير مش هتحس بالتغيير
- حملة ترشيح المشير من أجل الاستقرار؟! .. ياجماعة هو في ثورة قامت فعلا ولا ايه، اصل انا كنت في الحمام ساعتها
- واحد كاتبلى على بوستر ترشيح حسين طنطاوى للاستقرار انهى استقرار ده ؟
- اللي عايزين طنطاوي يجوا يمين كده واللي عايزين البلوفر يجوا شمال كده الشعب عايز يعدي
- أنا متفائل. فى نفس التوقيت السنة اللي فاتت إتعمل نفس الحملة لعمر سليمان و جمال مبارك. شوف هم فين دلوقتي
- العفريت اللى لزق صور جمال مبارك زمان على الحيطان..طلع ولزق صور المشير رئيسا لمصر!عبيط ده ولا ايه..حد يقوله الثورة مستمره وحاتكمل
يذكر أن المجلس العسكرى كان قد أعلن أكثر من مرة عن تأكيده على عدم تقديم أى من أبناء المؤسسة العسكرية كمرشحا للرئاسة وأنه حريص على تسليم البلاد إلى سلطة مدنية منتخبة نافيا ماتردد حول ترشيح المشير طنطاوى لرئاسة الجمهورية.
