العناية بالبشرة الدهنية في الصيف

فى البداية محتاجين نعرف الأول ايه السبب فى مشاكل البشرة الدهنية وبعدين نعرف المشاكل ايه!

البشرة الدهنية تتميز بزيادة فى نشاط الغدد الدهنية ودي غدد موجودة فى طبقة الأدمة الملاصقة لطبقة البشرة من أسفل والغدد دي بتفزر الدهون اللى بتخرج من خلال قنوات بتفتح على سطح الجلد عن طريق المسام.

عشان كده أصحاب البشرة الدهنية المسام عندهم بتوسع عشان تستوعب الدهون الزايدة.

كمان البشرة الدهنية بتبقى دايما لامعه وسهلة الاتساخ وصعب المكياج يثبت عليها لنفس السبب وهو الدهون الزايدة.

وطبعا كل المشاكل دي بتزيد فى الصيف خصوصا مع زيادة الافرازات العرقية كمان مش بس الدهنية

اما عن العناية بالبشرة الدهنية فى الصيف :

أولا : الغسول لازم يكون مش بس بيشيل الدهون الزايدة على سطح البشرة لكن كمان يكون بينظم الافرازات الدهنية Sebo-regulating وننصح أنه كمان يكون فيه مضاد للبكتيريا عشان يقلل من فرص الاصابة بالحبوب

ننصح باستخدام Sebium foaming gel , Cleanance gel, Hyseac gel

اي منهم تستعمليه ويريح بشرتك استمرى عليه

ثانيا : واقى الشمس بندوّر على أعلى معامل حماية ويكون سائل عشان ميزيدش الدهون على البشرة وننصح باستخدام Photoderm 100 fluid

ثالثا : الترطيب لا ننصح فيه باستخدام كريمات ولكن يكفى المياه الحرارية Avene thermal spring water, Uriage thermal water

كلاهما جيد

لو احتاجتي مرطب بليل قبل النوم ممكن تستعملى Atoderm milk ده فى حالة الاحتياج فقط

رابعا : المقشر الاسبوعي Sebium exfoliating gel هيساعد جدا فى انه ينقى بشرتك ويديها نضارة ويشيل كل الخلايا الباهتة المتراكمة على بشرتك

خامسا : محيط العين محتاج لترطيب خاص وخصوصا قبل النوم وننصح بـ Sensibio eye contour

سادسا : لازالة المكياج ممكن تستعملى Sebium H2O بقطع قطنية صغيرة

ملحوظة البروتوكول ده يناسب البشرة المختلطة كمان بس هتحتاج للترطيب بـ Atoderm milk فى مناطق الخدين وحول الفم

نصيحة أخيرة بلاش المكياج التقيل فى الصيف ولو بلاش خالص يكون أحسن حاولى تخلي بشرتك نضرة أحسن 100 مرة من انك تخليها مصطنعة بالمكياج

لو عندك حباية أو هالات أو بقع عالجيها احسن ما تداريها بفونديشين وكونسيلر