سلمى صباحي لـ"مؤيدي السيسي": رفض المشير للمناظرة ضعف أم خوف؟
طرحت الإعلامية سلمى صباحي نجلة المرشح الرئاسي حمدين صباحي، عدة أسئلة على مؤيدي المرشح المنافس المشير عبد الفتاح السيسي.
وكتبت عبر صفحتها الرسمية على موقع التواصل الاجتماعى فيس بوك : لكل صحابي مؤيدين السيسي عندي كام سؤال مش عارفه اجاباتهم اتمنى تفيدوني، انتو شايفين اللي السيسي عمله في 4 يوليو جميل في الشعب المصري ولا واجب عليه كرجل عسكري وطني؟ وازاي معندكوش مانع تنتخبوا مرشح معندوش برنامج انتخابي؟ طب هتحاسبوه على ايه؟! .
وأضافت خلال التدوينة: انا عارفه ان أغلبكو ممكن يكون مش مع ثورة يناير اصلا، لكن دي كانت ثورة شعب وراح فيها شهدا واتصاب فيها كتير .. تفسروا بأيه ان تقريبا كل رموز الفساد في النظام القديم اللي قامت ضدهم الثوره دي وعلى راسهم مبارك نفسه مؤيدين للسيسي؟ .
وتابعت: الرئيس هيكون عايش معانا ع الهوا مش هيقود البلد بالمونتاج .. تفسروا بإيه عدم ظهور السيسي ع الهوا ولا مره وليه كل لقاءاته ممنتجه؟! وتفسروا بإيه عدم نزوله في مؤتمرات شعبيه وسط الناس مع ان ده تقليد أساسي في اي حمله انتخابيه في العالم ؟ مش يمكن ده يتفسر انه تعالي على الناس او عدم ثقه في النفس؟ .
وواصلت أسئلتها: في الانتخابات الرئاسيه في العالم كله لما يكون في اتنين مرشحين للرئاسه لازم تتعمل بينهم مناظره علنيه على الهوا قدام الشعب كله ومش من حق المرشحين الاعتراض اساسا لان ده حق للشعب .. تفسروا بإيه رفض حملة السيسي للمناظره! هل ده ضعف ولا خوف من قوة المرشح المنافس!
واختتم التدوينة قائلة: دي أسئله كتبتها بمنتهى الاحترام ليكم ولمرشحكم لأني مؤمنه إن المنافسه لازم تكون شريفه ونضيفه وعايزه أعرف اجاباتها منكم بمنتهى الذوق .
