مش بحلل الحرام .. لكن !
عارف ان رسالتي ممكن تتحذف من النشر لكن انا لية رأي ومصر عليه وهوة الناس مالها تتحشر في كل حاجة في عيشة البشر وتصرافتهم خصوصا مين عمل علاقة مع مين ومين مشي مع مين وغيره من التدخل .. هوة الشعب ده مش راضي يعترف ليه بانه مدان طول الوقت والشخص اللي بيشتم واحد مرافق واحدة هوة نفسه عامل بلاوي سودة بس في الخباثة .. ودلوقتي قدام الشخص ده حلين .. أما ان يعترف بأفعاله السودة ويبقى عادي او انه يخرس خالص وملوش علاقة بالناس .. انا مش بحلل الحرام عشان ما يطلعش واحد في البخت يشتمني انا بتكلم عن الخصوصية اللي دايما منتهكة بين الشعب المصري كله والشرقي كله برضه ، انا بشوف رجالة بتعمل بلاوي وستات كمان وتيجي تتكلم معاهم يعملوا فيها شيوخ ورهبان فيه إيه هوة انتوا عندكم انفصام في الشخصية كدة على طول ؟ طيب انا يا سيدي راجل بصباص وفلاتي ونيلة انت مال اهلك وانتي مال اهلك ؟ ما تنشغلوا بفضايحكم وبلاويكم ونفسياتكم الزبالة قبل ما تعدلوا على الناس .. كل ما أقابل حد عاملي فيها أبو نصوح الطاهر وهوة فيه العبر والله .. كل اللي عايز أقوله .. كل واحد يخليه في حاله عشان هوة مش خالص وعلى فكرة الحدوته دي طبع في العرب كلهم يموتوا في الترييس وعلى كل المستوايات الناس بتعمل نفس العملة حااااااجة تقرف ايوة انتوا تقرفوا ومنافقين على الأقل انا مش بقول او بدعي أني فظيع وماحصلتش انا بقول أني بغلط لكن مش مدعي ...... يارب الرسالة تكون وصلت لكل واحد قرا هذه الرسالة .
[email protected]
