محمود بدر: أسماء حملة السيسى ستعرض بعد قليل.. و"أنا فيهم"

قال محمود بدر، عضو المكتب السياسى بحملة المشير عبد الفتاح السيسى، الرئاسية، إن الحملة ستعرض أسماء أعضاء ومسئولى الحملة عبر الموقع الرسمى لها.

وكتب بدر عبر صفحته بموقع التواصل الإجتماعى فيس بوك ، قائلاً: بالمناسبة عزيزى النحنوح وعزيزتى النحنوحة.. أنا سبتكم إمبارح تهروا كتير جدا فى مين فى الحملة الرسمية للمشير ومين مش فى الحملة والكلام الفاضى ده.. ولأنه هينزل بعد شوية عالموقع الرسمى والحملة الرسمية أسماء أعضاء الحملة ومسئوليها الشباب وأنا فيهم .

وتابع بدر: طبعا مش هقدر أقولكم يا نحانيح تانى بعد الإعلان الرسمى عشان كدة أنا بنصحكم كل واحد يخليه فى حملته.. يعنى اللى ناقصه توكيلات يجمعها ومالوش دعوة باللى جمعوا توكيلاتهم.. واللى هيقاطع يقاطع ومالوش برضه دعوة بينا .