أحمد سعد عن إعلان خطوبته: "رونالدو وجورجينا مش أحسن مني.. واتسرق مني 30 قيراط ألماظ"
داعب المطرب أحمد سعد، الإعلامي عمرو أديب، قائلا: "بسليك ولا لاء"، ليرد أديب: "أنت أهم من أي برنامج توك شو في مصر".
وقال سعد، خلال اتصال هاتفي ببرنامج "الحكاية" المذاع عبر فضائية "إم بي سي مصر"، مساء الإثنين، ضاحكا: "عمرك شفت حد خطب مراته.. أنا وأم أولادي إدينا نفسنا فرصة نبص على بعض بعين تانية بها اعتبار للأولاد.. رونالدو وجورجينا مش أحسن مني بس الفرق أني مش عايش معاها".
وأضاف أنهم سيقيما حفل زفاف ضخم بحضور أطفالهم، متابعا: "هعمل فرح عظيم وأولادي هيكونوا لابسين نفس الفستان بتاع مامتهم، حاجة حلوة أولادي يحضروا فرحي".
وعن سرقته في روما، عقب، "اتسرق مني 30 قيراط ألماظ.. عشان أنا فنان بلبس كده، والأمن عندنا برقبة أي أمن"، مداعبا عمرو أديب، قائلا: "الساعة اللي إنت بتلبسها مش قليلة بردو".
