تعليق ناري من مفيدة شيحة بشأن تعديل نتيجة الثانوية العامة 2024 (فيديو)

شنت الإعلامية مفيدة شيحة، هجوما حادا على الأزمة الأخيرة في نتيجة الثانوية العامة 2024، مشيرة إلى أن وزارة التربية والتعليم أعلنت تغير نتيجة الثانوية العامة 2024 وتعديل قائمة الأوائل وإضافة درجتين في مادة الفيزياء.

وقالت "مفيدة شيحة"، ببرنامج "الستات"، المذاع على فضائية "النهار" مساء اليوم الثلاثاء، "دي مصيبة ومهما حاولت أوصفها مش هقدر، يعني أيه واحد كان الأول على الجمهورية يبقي الأخير، ودمرتوا نفسية الطلاب، وهذا القرار عمل حزن كتير".

تعديلات مفاجئة

وأضافت أن ما تم هو تعديلات مفاجئة في نتيجة الثانوية العامة تغير ترتيب الأوائل، متابعة أن المسئولين عن هذه الكارثة لازم يتحولوا للتحقيق بعد هذا الأمر، والكارثة الغير مسبوقة التي تمت في النتيجة.

وتابعت "هذا ما لم نسمع عنه من قبل ومسمعناش عنه زمان خالص ومحصلش قبل كده، ولا بد من وقفه وتحقيق مع المسئولين عن هذه الكارثة الحقيقية".

رسالة للأوائل 

ووجهت الإعلامية مفيدة شيحة، رسالة لطلاب الثانوية العامة وأوائل الثانوية العامة 2024، بعد تعديل النتيجة، متابعًا "متزعلوش يا ولاد، وبعدين أوائل الثانوية العامة السنة اللي فاتت فين، والأهم الكلية اللي هتدخلوها وتشوفوا سوق العمل المناسب ليكم من خلال الاختيار الصحيح للكلية في تنسيق القبول بالجامعات والكليات".

وتابعت "الأهم إن الطالب عليه اختيار كلية تدعم سوق عمل مفتوح وفرص عمل متوفرة، ومستقبلكم هيبقي مستقبل باهر، وسنين الكلية هتبقي زي الفل، ومحدش يزعل ولا حتى يفكر في اللي حصل وبصوا لما هو قادم لأنه الأهم".