خطيبة مسلم: "فسخت خطوبتي للمرة الأخيرة بعد محاولات عديدة بلا جدوى"
حرصت يارا تامر، خطيبة المطرب مسلم السابقة، على التعليق على فسخ الخطوبة من خلال منشور عبر حسابها الشخصي على موقع تبادل الصور والفيديوهات إنستجرام.
تعليق خطيبة مسلم على فسخ خطوبتهما
وكتبت يارا في منشورها عبر خاصية استوري: "عايزة أقول حاجة صغيرة ممكن تكون مش مهمة لبعض الناس، لكن لازم أعلن أنه تم فسخ خطوبتي من مسلم للمرة الأخيرة،حاولنا كتير لكن مفيش نصيب ولا تفاهم بنا،هو شخص كويس ومحترم وكل حاجة، وربنا يكرمه في حياته، لكن مشاكلنا صعبة وتفكيرنا بعيد عن بعض مهما حاولنا".
تصريح مسلم بشأن فسخ الخطوبة
ومن جانبه، أعلن المطرب مسلم فسخ خطوبته للمرة الثالثة من خلال منشور عبر حسابه الشخصي على إنستجرام، وكتب مسلم في منشوره: "محتاج أقول حاجة يمكن مش حتكون مهمة قوي للناس دلوقتي لأن حاسس أن الناس زهقت من الموضوع ده بس حبيت أوضح علشان أرتاح ضميري قدام ربنا تم فسخ خطوبتي من يارا تامر وأتمنى لها حياة جميلة ونجاح واستمرار حاولنا كثير وأنا خسرت كثير قوي من حياتي ووقتي في هذه التجربة وفشلت، والحمد لله بشكر ربنا أنه بين لي كل حاجة تخليني أبقى في حالي وأبعد أسف لنفسي مرة ثانية والمرة دي بجد تعلمت الدرس، شكرًا، المرادي اتقفل الموضوع نهائي".
تصريحات مسلم حول حياته الشخصية والفنية
وفي سياق آخر، كشف مطرب المهرجانات مسلم عن العديد من التفاصيل الخاصة بحياته الشخصية والفنية خلال حلوله ضيفًا في برنامج "أسرار" الذي تقدمه الإعلامية أميرة بدر على شاشة قنوات النهار.
وتحدث مسلم عن موقف سيئ جمعه بالمنتج أحمد السبكي، حيث قال: "كنت صغير ونزلت القاهرة رحت للسبكي، دخلت سلمت ورفض السلام عليا، وبصلي من فوق لتحت وقال لي يلا يبني على إسكندرية مبنساعدش حد هنا.
وأضاف:" مشيت من الدقي لصلاح سالم بعيط ومنهار، لكن بشكره دلوقتي لأنه أعطاني طاقة وغل للشغل، ووصلت للي بحلم بيه، بس عمري ما أنسى الموقف ده".
وتابع:"طلب اشتغل معاه في حاجة ورفضت، وابنه كريم صاحبي وعندي أغنية في فيلم شقو، وفيه دور جايلي وفيه نجوم كبيرة زي ماجد الكدواني وعمرو عبد الجليل."
