عمرو أديب: "كنت أهبل وساذج لما طلبت من الحكومة توقف قطع الكهرباء"
قال الإعلامي عمرو أديب، إنه كان يتمنى أن تستجيب الحكومة لطلبه بعدم قطع الكهرباء هذا الأسبوع بسبب حرارة الطقس، أو أن يتم قطع الكهرباء مدة ساعة بدلا من ساعتين.
قطع الكهرباء
وأضاف أديب، خلال برنامج "الحكاية" المذاع عبر فضائية "إم بي سي مصر"، اليوم الإثنين، "أنا طموحاتي انخفضت وأرجوكم متقطعوش النور أكتر من ساعتين.. الأجهزة الكهربائية بتبوظ، أنا طالب تكون ناجح في قطع النور"، متابعا: "إذا كان من قطع النور بُد، فبلاش تبوظ حياتنا".
وأشار إلى أنه يتم قطع الكهرباء حاليا في غير المواعيد المحددة، مضيفا: "اللي بيحصل دلوقتي عبث، ما تردوا علينا، أنا عارف أنتم بتعتبروني مش موجود، اسألوا الناس.. الناس زهقت من اللي بيجرى"، لافتا إلى أن وزير الكهرباء لا يعلق.
وتابع، "كنت أهبل ومتخلف وساذج لما قولت قللوا قطع النور.. بس خليكم ناجحين في قطع النور"، مستطردا: “كلمونا وعرفونا الوضع جربونا، إحنا صبرنا معاك لحد ما الدنيا اتحسنت”.
