كانوا عايزين الشقة فقتلوه.. شقيق ضحية الضرب على يد أشقاء طليقته يكشف تفاصيل وفاته بالمرج| فيديو
خلافات زوجية استمرت لأكثر من 9 سنوات، كان ينجم عنها ضرب الزوج والتعدي عليه بالسب والقذف، حاول الزوج التمسك بمنزل الزوجية لأجل أولاده الصغار، لكن زوجته كانت تستعين بأشقائها نظرا لأنهم يعيشون بجوارها، تطورت الخلافات وكانت نهايتها موت الزوج بالضرب حتي الموت.
ذهبت محررة "الفجر" لمكان الواقعة في شارع ابو الوليد بمنطقة المرج التابعة لمحافظة القاهرة، لكشف ملابسات الجريمة ولمعرفة أسباب وفاة المجني عليه رمضان.
تحدثت "الفجر" مع شقيق المجني عليه رمضان، وقال: الشارع اللي ساكن فيه أخويا كلهم عصابة في بعض ومتفقين علي كلام موحد، ان أخويا مات بسكته قلبية، اخويا مكنش عنده أمراض، لكن هو اضرب في قلبه وتعدي عليه بالسب والقذف.
وتابع حسن شقيق المجني عليه: "أخويا صاحب محل كوافير حريمي كان بيشتغل عشان يصرف علي مراته وأولاده، لكن مراته كانت بتسحب قروض من البنك بمبالغ كبيرة وصلت ل 300 ألف جنيه، هو كان بيسدد عشان متتسجنش ويحافظ علي أولاده، رمضان كان دايما بيعترض علي القروض دي، بس أشقاء مراته كان بيتخانقوا معاه وبيتعدوا عليه بالضرب، وحتي وصل الموضوع لقسم الشرطة وصدر أحكام بحبس أشقاء طليقته".
واستكمل شقيق رمضان: "أخويا طفح كيله ومقدرش يكمل في العيشة معاها وطلقها، الكلام ده حصل قبل شهر رمضان، وبعد رمضان استمرت الخلافات والضرب في اخويا، عشان عايزين الشقة ليها، كانوا بيتعدوا عليه بالسب والقذف كل اما يمشي قدامهم".
https://www.facebook.com/share/v/pRSSZevbueF1ZUE8/?mibextid=oFDknk
وذكر حسن: "يوم الواقعة تلقيت اتصال من ابن أخويا رمضان البالغ من العمر 13 عاما، قائلًا: "الحقني يا عمي الحقني يا عمي اتلموا على بابا وبيضربوه في الشارع".
وأكد خلال المكالمة سمعتهم بيقولوا “كتفه يلا.. أضربه يلا"، بعديها جريت لمكان الحادث بس أخويا مكنش موجود، ولاقيته في شقته قاطع النفس والجانب الأيمن من جسده به آثر ضرب شديد، بعديها اتصلت بالمديرية والتي بدورها جاءت لمعاينة الحادث.
شهدت منطقة المرج جريمة قتل راح ضحيتها شاب على يد أشقاء طليقته، بعد مشاجرة بينهم.
البداية بوقوع مشادة كلامية بين سيدة وطلقيها تسببت في وفاته، بعد تطور المشادة إلى مشاجرة حادة بالأيدي.
وتلقت الأجهزة الأمنية بمديرية أمن القاهرة، بلاغا بمقتل أحد الأشخاص جراء مشاجرة نشبت بين صاحب محل كوافير حريمي واشقاء طليقته، وبمواجهة المتهمين أقرا بحدوث الواقعة وارتكاب الجريمة.
تم تحرير محضر بالواقعة وتولت النيابة العامة التحقيق في القضية.
المجني عليه رمضان
