نصف مليار مشاهدة.. عمرو دياب يكتسح السوشيال ميديا بـ "الكلمة الحلوة"
رقم قياسي جديد حققه النجم الكبير عمرو دياب بأغنية “الكلمة الحلوة” والتي صدرت في بداية رمضان ضمن حملة إعلانية لإحدى شركات الإتصالات.
وحققت الأغنية حتى الآن نصف مليار مشاهدة على مواقع التواصل الاجتماعي المختلفة حيث بلغ عدد مشاهداتها 36 مليون و600 ألف مشاهدة على يوتيوب، و7ملايين و500 ألف على إنستجرام، و114مليون على فيسبوك، و381مليون و600ألف على تيك توك.
يشار أن الأغنية تصدرت قائمة Top أنغامي في الوطن العربي بعد طرحها مباشرة.
صناع أغنية الكلمة الحلوة
أغنية الكلمة الحلوة من كلمات أيمن بهجت قمر، لحن مدين، توزيع أسامة الهندي، مكساج وماستر أمير محروس.
كلمات أغنية الكلمة الحلوة
الكلمة الحلوة عشانك
أحلى كلام من قلبي أنا ليك
أنت الموضوع يا حبيبي اتفضل أهلا أهلا بيك
ع الدقة الصوت ده له رقة
اتكلم بقى وريني
قولها واوعى تقول لأ
قولها دي أحلى قصاد عيني
ده فيه كلمة تغير دنيا
بتغير دنيا بحالها
شوف كام واحد أجلها
وغلاوتك ندموا عليها
آسف مين قالك إنها ضعف دي بتكبر أوقات
لو قلتها مش هنشيل من بعض وهنقصر مسافات
ده واحشني لوحدها لو تتقال صدقني بتسوى كتير
ليها من الغاليين مفعول السحر وليها أجمل تأثير
أنا ماشي كإني مغمي عينيا خلاص مش شايف غير
النغزة الطعمة الضحكة الناعمة الباقي السر في بير
وبحبك أيوة بحبك كلمة نقولها ليه نخبيها
ده الأجمل نستعجلها يلا نفرح قلبنا بيها
فكرة أغنية «الكلمة الحلوة»
يشار إلى أن أغنية «الكلمة الحلوة»، ترتكز على العلاقات الإنسانية، مع أهمية قيمة التواصل والكلمة الطيبة بين الناس في جميع المناسبات، لا سيما شهر رمضان المبارك.
