مي عمر: استغربت كلام فريدة سيف النصر عن "رانيا وسكينة".. وروبي صاحبتي جدًا

علقت الفنانة مي عمر على اقاويل الفنانة فريدة سيف النصر عن مسلسل رانيا وسكينة قائلة: "لما والدي تعب كانت فترة وعدت وهو كويس الحمدلله واضطرينا نسافر وقعدنا فترة كبيرة برة والموضوع كان خطر ومجهد نفسيًا، ووالدي بيحب الفن وبيحترمه وبيشجعني جدًا، وحماتي من اكتر الناس اللي بتشجعني برضو، ولو فيه مشكلة بيننا بتقف معايا انا مش معاه هو".

مي عمر تتحدث عن فريدة سيف النصر 

وقالت مي عمر، خلال استضافتها ببرنامج "أسرار" مع الإعلامية أميرة بدر المذاع على قناة النهار: "استغربت لما سمعت كلام استاذة فريدة سيف النصر عن مسلسل رانيا وسكينة، وهي فنانة مهمة جدًا، وانا وروبي صحاب جدًا، ومفيش مرة اختلفنا في وجهات النظر، ولما المسلسل خلص زعلنا عشان مش هنشوف بعض كتير تاني، ومعرفش ازاي فريدة سيف النصر قالت كده".

برنامج "أسرار" تقدمه الإعلامية أميرة بدر على شاشة النهار يوميًا خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.

‏