بعد حصوله على البراءة.. ننشر أقوال سوداني متهم بقتل خاله ببولاق الدكرور

حصل موقع "الفجر" على أقوال المتهم "هشام.ا" صاحب 19 عاما ويحمل الجنسية السودانية، أمام النيابة العامة في القضية رقم 10209 لسنة 2023 جنايات بولاق الدكرور، لاتهامه بقتل خاله عمدا.

جاء أقواله في تحقيقات النيابةالعامة كالتالي: 

س: ما قولك فيما هو منسوب اليك من انك متهم بضرب المجني عليه "طلال عبد القادر" عمدا مستخدما في ذلك (يدك) وقمت بالتعدي عليه ضربا، فما ان ظفرت به بمكان الواقعة حتي قمت بالتعدي عليه ضربا فاحدثت به الإصابات المبينة، والتي أودت بحياته، ولم تقصد من ذلك قتله ولكن الضرب المضي إلى موته علي النحو المبين بالأوراق؟

انا عملت فيه كده بس من غير ما اقصد اني اموته.

س: ما تفصيلات اعترافك؟

انا كنت في الشغل وروحت قعدت علي القهوة جنب البيت شوية، ولقيت امي بتكلمني بتقولي تعال بسرعة خالك "طلال" سكران ومعاه واحد صاحبه في البيت، روحت ملقتش خالي كان نزل بس لقيت صاحبه كان نايم مع خيلاني في الغرفة النوم، وبعدين روحت متصل بخالي "طلال" وقالي إنه بيحصل الفلوس من محلات الجزارة، وقولته اني جايلك روحتله قدام المحل اللي اتفقنا نتقابل عنده قالي تعال نروح مشوار سوي، وشوية لقيت واحد شد معاه واحنا في الطريق وقام ضربني انا وخالي، ورحنا مروحين بعدها حتي شد تاني مع عيال في المنطقة عندنا.

واستكمل هشام: واحنا طالعين وكان ساعتها مش في واعية، وأول ما طلعنا فوق الشقة، كنا هناكل سوي وهو رفض ياكل ودخل الغرفة نام مع صاحبه وخيلاني، وانا اكلت ونمت بعدين لقيت صوت امي واختي جاي من المطبخ بيصوتوا، لان الراجل صاحب خالي دخل المطبخ على الحريم وهي واقفه ورحت قايم جري علي الصوت لقيت امي واختي ماسكين فيه ورحت انا کمان مسکه وطالع بيه برا الشقة وطردته ونزلته في الاسانسير علشان ميعملش فضايح في العمارة.
 

وتابع: بعدين لقيت اختي نازله بتجري وبتقولي ان خالي "طلال" صحي من النوم، وماسك سكينة في ايده ورفعها علي امي وعليها، روحت جري علي البيت علشان الحق امي لحسن يعمل فيها حاجة، وأول ما طلعت لقيت خالي "طلال" ماسك السكينة باب الشقة علينا وبعدين سمعت صوت تخبيط جامد على الباب، وبعدين قمت فتحت الباب لقيته ماسك بتاعه الجبس بتاعت الديكورات وعاوز يخبطني بيها على راسي من فوق، روحت شديتها منه واخدتها ورمنها في الأرض، ولما لقيته بيحاول يضربني بايده روحت زاقه ووقع على السلم وراسه اتخبطت من ورا بس كان صاحي ساعتها بس مش

يتكلم، روحت منادي على خيلاتي اللي كانوا في البيت علشان يجوا يشيلوه معايا ونروح بيه المستشفى نشوف ماله، جه ساعتها خالي "رامي" وشالوا معايا ونزلنا تحت ولقيت حمد متصل بالاسعاف وروحنا بيه على المستشفى، وانا غلطان اني زقيته من على السلم وانا مكنتش اعرف ان هيحصل كده وهيموت.

قضت محكمة جنايات جنوب الجيزة، ببراءة شاب يحمل الجنسية السودانية من تهمة قتل خاله عمدا مع سبق الإصرار بدائرة قسم شرطة بولاق الدكرور.
 

أحالت النيابة العامة المتهم "هشام. أ" 19 سنة سوداني الجنسية، لمحكمة الجنايات المختصة بدائرة محكمة استئناف القاهرة، بعد أن وجهت إليه تهمه ضرب خاله حتي الموت، وذلك علي خلفية التحقيقات في القضية رقم 10209 لسنة 2023 جنايات بولاق الدكرور.

وجاء في أمر إحالة أن المتهم قتل خاله المجني عليه "طلال. ع" مع سبق الإصرار والترصد، بأن دفعه من أعلى سلم فسقط على رأسه.

وكشف أمر الإحالة، أن المجني عليه كان في جلسة سكر مع صديق له واصطحبه مغيب العقل إلى شقة المتهم ليبيت لديهم.