تامر أمين يوجه نقدًا لاذعًا لمهاجمي محمد صلاح: "والله عيب"
وجه الإعلامي تامر أمين، تساؤلًا إلى من يهاجمون محمد صلاح لاعب المنتخب الوطني، وينتقدون أداءه مع المنتخب قبل انطلاق بطولة أمم إفريقيا في كوت ديفوار 2024.
نشر صلاح لفيديو من معسكر المنتخب
وقال "أمين" خلال تقديم برنامجه "آخر النهار" المذاع على فضائية "النهار" مساء اليوم الأحد، "هما عايزين ايه من صلاح اللي عايز يشتم يشتم حاول تقول كلام من قلبك".
وأضاف "هو أنا عايز ايه من صلاح حالة الهجوم غير المبررة اللي بتطلع، لما نشر فيديو عبر انستجرام وهو يقرأ الخروج عن النص في معسكر المنتخب".
ليه بتعملوا كده في صلاح
وتابع "أنا بسألكم من قلبي ليه بتعملوا كده ايه الحكمة من فكرة تحطيم الطامحين، كل الناس اللي نازلين تحطيم في محمد صلاح، دي جماهير ليفربول بيقولوا مش عارفين هنعمل ايه من غير صلاح لمدة شهر".
واستطرد "محمد صلاح مش نبي ولا ملاك ده مش معناه إنه شيطان ولا عميل كل واحد له بصمته الشخصية، احترم شخصية صلاح ووضعية صلاح ربنا يحميك يا صلاح، العالم كله شايف صلاح وتأثيره كده وإحنا مش شايفينه كده والله عيب".
