براءة المتهم بضرب أبيه حتى الموت بالجيزة

قضت محكمة جنايات جنوب الجيزة، ببراءة متهم بضرب أبيه حتى الموت ببولاق الدكرور.

كانت النيابة العامة قد أحالت المتهم "محمد.ح.س" 42 سنة حلاق، لمحكمة الجنايات المختصة بدائرة محكمة استئناف القاهرة، بعد أن وجهت إليه تهمة ضرب والده بأداة "ماسورة"، وذلك على خلفية التحقيقات في القضية رقم 13168 لسنة 2023 جنايات بولاق الدكرور.

جاء في أمر الإحالة، أنه في يوم 2023/7/19، ورد بلاغ بدائرة قسم شرطة بولاق الدكرور بمحافظة الجيزة، يفيد وصول جثة رجل مسن ومصاب بجروح في القدم ويديه اليسري.

وبالفحص وتقنين الإجراءات، تبين أن الوفاة حدثت بسبب مشادة كلامية بين المتهم ووالده، علي إثرها تطورت إلى مشاجرة استخدم بها المتهم أداة "ماسورة" وتعدي على والده، مما أحدث إصابته الموصوفة بتقرير الصفة التشريحية.

وبمواجهة المتهم بما أسفر عنه الضبط أقر بارتكابه للواقعة، وتم اتخاذ كافة الإجراءات القانونية اللازمة حيال الواقعة وأخطرت النيابة العامة بالواقعة وتولت التحقيقات.
 

أقر المتهم في بأقواله في تحقيقات النيابة العامة: اللي حصل ان يوم الثلاثاء، ضربت عيالي الصغرين علشان يذكروا، لاقيت ابويا طالع يشتمني علشان انا بضرب العيال، وجاب المساورة بتاعته علشان يضربي، وانا جريت في الشارع وهو جرى ورايا، ورجعتلو قولتله انت عايز ايه عايز تضربني خلاص اضربني انا اهو، ومسك الماسورة فعلا وضربني في ايدى ورجلی بماسورة.

وطلعت علی البيت اقعدت ازعق واشتم في البيت، وروحت حاطيت قفل على باب شقة ابويا، وطلعت نمت وبعد كدا تاني يوم وأنا نازل الصبح، وبشيل القفل لاقيته متشال، خبطت على باب جامد راح الباب اتفتح على طول في ثانية علشان كانوا واقفين ورا باب الشقه، قالولى تعال فقمت جريت على طول ومن اللهفة وقت على السلام، لاقيت أخويا ركب عليا وعضنى في جسمي ومسكنا في بعض، وقال لأبويا هات الحبل، لاقيت ابويا طالع من باب الشقه اتكعبل من العتبة العليا اللى على باب شقته واخويا بعد كدا قام من عليا وجرى على ابويا ونادا  على الناس اللي في العمارة وانا قمت ضربت أخويا بمساورة على دماغه.

 

ثبت بتقرير المعمل الطبي، وجود علة مرضية مزمنة ومتقدمة بالقلب تمثلت في وجود تضخم بالقلب وتضخم مركزي بالبطين الأيسر وتغيرات اثيروميه وتكليسه بالشرايين التاجيه يصاحبها; ضيق بتخاويف الشرايين التاجيه يصل لنسبة 80%.

ووضح التقرير ان الوفاة حدثت بسبب انفعال نفسي (نتيجة المشاجرة) وما نتج عن ذلك من زيادة العبئ علي القلب المعتل بالأصل عله مرضية مزمنه متقدمه بالقلب، مما أدي إلى إنقاص الإمداد الوعائي للقلب أدي إلى الوفاه.