طفى الأنوار وتعدى علينا بالضرب.. ننشر أقوال شقيق المتهم بقتل والده ببولاق الدكرور (خاص)

حصل موقع "الفجر" علي نص أقوال شقيق المتهم بضرب والده حتي الموت، لخلافات سابقة بينهم ببولاق الدكرور.

في السطور التاليه سنعرض، أقوال المجني عليه "أيمن. ح. س" ضحية الضرب علي يد شقيقه والتعدي على والده بالضرب، أمام تحقيقات النيابة العامة:

س: ما تفصيلات بلاغك؟

قيام شيقيقي بالتعدي عليا بالضرب ووالدي وأحدث اصابتي وضرب أبي باله حادة وحدث وفاة والدي

س: ما صلتك بالمجني عليهم المتوفى إلى رحمه مولاه: حسن سالم حسن ؟

حسن سالم دا ابويا

س: ما صلتك بالمتهم: محمد حسن سالم حسن ؟

أخويا

س: ما هي حالتك الاجتماعية؟

متزوج

س: ما هو محل اقامتك ؟

انا عاقد في شقه في بيت أبويا

س: مع من يقطن المتهم: محمد حسن سالم حسن تحديدا ؟

عنده شقه في نفس البيت اللى انا عاقد فيه وابويا الله يرحمه

س: ما هي الحالة الاجتماعية للمتهم: محمد حسن سالم حسن ؟

متجوز ومعاه 6 عیال

س: ما هو الحالة المادية وما هو مصدر دخل المتهم تحديدا؟

هو مش شغال وابويا اللي بيصرف عليه

س: ما تفصيلات الواقعة محل التحقيق ؟

اللي حصل أن يوم الثلاثاء الساعة 9 لاقيت أخوتي اتصلت بیا، وبتقولى ان بنت محمد اتصلت بيها، وبلغتها ان محمد بيتخانق مع أبويا خناقة كبيرة، علشان محمد بيزعق مع عياله، ومتخانق معاهم وبيضربهم، وقالتلي اتصل ببابا عشان يجي عندي والمشكلة متکبرش، اتصلت ببابا ساعتها وجيه قعد معايا في المحل.

أكد المجني عليه: قولتله سيبك منه خليك قاعد هنا، بعد كده ابويا جالو تليفون من حد في البيت بيقوله تعال علشان باب البيت مقفول وانا عايز اخرج، قولتله متروحش وانا هبعت حد  يفتح الباب قالي لا هروح، قولتله طيب لو هتروح متعملش مشاكل معاه خالص، واقفل على نفسك، وانا هاجيلك اما روحت لاقيته بيقولى تعال اعقد معايا، ومطتلعش شقتك، قعدت معاه وأبويا قفل علينا الباب، وبعد كدا ب5 دقائق سمعت تكسير فوق في شقتى، وقالی هنطلعله قولتله لا هتلاقيه شارب سبيك منه.

وساعتها كان هو لوحده ومكنتاش معاه مراته وعياله وفضل يشتم ويكسر في الشقة، وقولت لأبويا سيبك منه، دلوقتی هيبقي کویس، ولاقيت الموضوع زاد عن حده، فاتصلت باختی وقولتلها روحى القسم جيبي قوه من هناك عشان ياخدوه، راحت القسم ومحدش رضی یجي معاها، وبعد كده جات عندنا البيت، وقالتلي اني القسم قالها اتصلي بالنجدة من عندكو في البيت علشان تحدد المكان.

بعد كده قفلنا الباب ونمنا من الساعة 12 الصبح حد الساعة 3 الظهر، كنت نايم ساعتها وسمعت صوت حاجة وقعت قدام الباب، وبصيت على ولدى ملقتهوش جنبی، وومت بصيت عليه لاقيته واقع قدام الشقة، صوت وبشده من على الأرض وبفوق فيه لاقيت محمد نازل من على السلم وخبطی أول خبطه على دماغي، وانا كنت مركز مع ابويا علشان يفوق، وانا بقوله ابوك مات، راح خبطنی تانی خبطه علی دماغي، قعد استغیث بالجیران، وطلعو 4 أشخاص من الجيران قوالى في ايه قولتلهم أبويا شكله مات، ولما اتجمعوا الجيران علشان افوق ابويا راح خبطنى الخبطة التالته وخدنا ابويا على التوكتوك بس هو كان مات، ومحمد كان قاعد في الشقة فوق ودا كل اللي حصل.

س: متي وأين حدث ذلك؟

الكلام حصل الساعة 3 مساءا، ضرب والدي وحدثت الوفاة

س: أمام من حدث ذلك ؟

أمام الجيران ولما وقع قمت بالاثتغاثه بالجيران

س: ما نوع الضرر الواقع عليك ؟

قيام المشكو في حقه بالتعدى عليا وضربي واحداث اصاباتی وضرب والدى باله حادة ادى إلى وفاه والدي

س: وما هي اصاباتك ومن محدثها والاداة المستخدمة في اصابتك؟

3 جروح سطحية وصحجات وجروح بجسمي، احدثها المشكو في حقه بسكينة

س: وما هي الأداة التي ضرب بها والدك أدي إلى وفاته؟

تقريبا ماسورة مشفتش الاله الحادة اللي اضرب بها