اسكت خالص.. مسمعش صوتك.. محمد موسى ينفعل على الهواء لهذا السبب

انفعل الإعلامي محمد موسى، على الهواء بسبب اعتداء قوات الاحتلال الإسرائيلي على مستشفى الشفاء بقطاع غزة واقتحامه، قائلا: "اللي بيكلمني ويقولي إن الأمريكان اتضحك عليهم من السفاح اللي اسمه نتنياهو بأن في قيادات من حماس موجودين تحت مستشفى الشفاء أو جواها هقول له أسكت... أسكت خالص ومسمعش صوتك ولا أنت ولا أي واحد تاني لأن اللي بيحارب الفلسطينين العزل هو الامريكان مش الكيان الإسرائيلي الأحمق المجرم بس".
وأضاف محمد موسى خلال تقديم برنامج "خط أحمر" على قناة الحدث اليوم،: "وأديهم دخلوا مستشفي الشفاء ولا لقوا سلاح ولا لقوا قيادات حماس ولا عملوا حاجة غير تدمير المستشفي أكتر من الدمار اللي كان حاصل قبل الاقتحام".
تابع،: "اللي حصل في مستشفى الشفاء دليل دامغ أن الهدف ولا حماس ولا غيره.. الهدف هو قتل الأطفال والنساء والشيوخ وتدمير البنية التحتية لشمال قطاع غزة عشان يودوا الفلسطينيين لجنوب القطاع وبعد ما المحتل الخسيس يخلص علي الشمال ويهجر المدنيين العزل من الشمال للجنوب هتبدأ بقية الخطة وهي ضرب الجنوب عشان يسرقوا القطاع بالكامل".