تصريحات باسم يوسف بعد الهجوم على محمد صلاح
عاجل - "مقارنة فيديو صلاح بلقائي ظلم".. باسم يوسف يطلق تصريحات نارية بسبب محمد صلاح
عاجل - "مقارنة فيديو صلاح بلقائي ظلم".. باسم يوسف يطلق تصريحات نارية بسبب محمد صلاح، علق الإعلامي باسم يوسف بتصريحات نارية على الهجوم الذي طال النجم العالمي محمد صلاح قائد منتخب مصر ولاعب ليفربول الإنجليزي.
أقرأ أيضًا.. عاجل - "شوفت الفيلم دا قبل كدا".. أول رد فعل من باسم يوسف بعد دعم السوشيال ميديا له
وكان أشعل باسم يوسف ضجة كبيرة بعد لقائه مع بيرس مورجان منذ يومين، ليفضح إسرائيل ويدافع عن فلسطين، بعد الأحداث التي حدثت في مستشفى الأهلي المعمداني في قطاع غزة، مما خرج الرأي العام مساندًا لباسم يوسف بعد تلك الحوار.
كما أن اشتعلت السوشيال ميديا بهجوم كبير بين مؤيد ومعارض، للتصريحات التي أدلى بها الدولي المصري محمد صلاح، عن الأحداث في فلسطين وقطاع غزة، من جيش الاحتلال الإسرائيلي.
عاجل - "مقارنة فيديو صلاح بلقائي ظلم".. باسم يوسف يطلق تصريحات نارية بسبب محمد صلاح
وتستعرض بوابة الفجر الإلكترونية عبر موقعها الإلكتروني كافة الخدمات التي يحتاجها متابعيها وقرائها، وفي ذلك الإطار ترصد بوابة الفجر تعليق باسم يوسف على الهجوم الذي نال محمد صلاح بعد تصريحات عن الأحداث الفلسطينية الإسرائيلية.
باسم يوسف يعلق على الهجوم ضد محمد صلاح
وكشف الإعلامي باسم يوسف عن تعليقه على الهجوم الذي طال محمد صلاح قائد منتخب مصر، منذ الأمس حتى الآن بعد الهجوم الحاد على تصريحاته التي أدلى بها عبر حسابه الرسمي على مواقع التواصل الإجتماعي.
وكتب باسم يوسف عبر حسابه الرسمي على مواقع التواصل الإجتماعي الشهير "فيسبوك" تعليقًا على صورته رفقه محمد صلاح وقال: "انا شفت الصورة دي في كذا صفحة مع تعليق: محمد صلاح متصور مع فخر العرب، ده غير بوستات تانية كتيرة جدا يا اما بتقارن لقائي مع الفيديو بتاعه أو بتقلل وتهمش وتتريق على فيديو صلاح طيب كذا نقطة".
وتابع: "المفروض في عالم طبيعي ان لعيب الكورة أو حتى الكوميديان يكونوا في الصفوف الاولى للدفاع عن القضايا الانسانية، ده دور الاعلام، والسبب ان اللي بيحصل غير كده ان الاعلام بيفشل في ده بل وبيزيد الامور سوءا فتتجه الناس للاشخاص الناجحين في مجالهم عشان يغطوا على فشل في مجال مش بتاعهم وده اول السكة في اننا بنظلمهم معانا".
وأضاف: "صلاح لعيب كورة لا يتدخل في السياسة من اول يوم ولا احتفاله بالكريسماس مش رسالة سياسية، الاحتفال بأي مناسبة ده نشاط انساني بحت ولا يجب مقارنة صورة جنب شجرة كريسماس أو حلويات المولد بوضع علم أو رمز للتضامن".
وأكمل: "تعزيته في موت ملكة انجلترا هو ايضا فعل انساني و ليس سياسي. صلاح أو اي لاعب كرة لو كان بيلعب في دوريات الخليج ولاقدر الله لو أمير أو ملك أو شيخ أو حاكم الدولة أو الامارة أو المحافظة اللي فريقه بيلعب له توفاه الله كان حيكتب تعزية برضة لأن ملكة انجلترا عند الانجليز اللي بيلعب عندهم مكانتها في قلوب ناس كتير جدا زي مكانة هذا الملك أو الامير في قلب شعبه. فده بروتوكول وليس فعل سياسي".
"مقارنة فيديو صلاح بلقائي ظلم".. باسم يوسف يطلق تصريحات نارية
واستطرد حديثه عن مقارنة فيديو صلاح بلقائه وقال: "مقارنة فيديو صلاح باللقاء بتاعي هو ظلم بين، لأن الكلام مش شغلة صلاح، ولأن طلاقة اللغة مش شغلة صلاح، لا صلاح حيعرف يتكلم ويحاور زيي ولا انا اقدر العب كورة زي صلاح".
واستكمل: "يا جدعان ده انا اكبر انجازاتي الكروية اني عملت تلات عمليات غضروف وانا عندي ركبتين اتنين بس!!!! ده انا خدت كباري بعدد شعر راسي. ولو على اللغة، صلاح، اللي ما دخلش مدارس لغات زيي بيتكلم ايطالي. انا معرفش كلمتين ايطالي على بعض".
باسم يوسف يدافع عن محمد صلاح
وأضاف: "صلاح بالانجليزي المكسر والاداء “الفلات” أو المخطوف زي ما ناس وصفته، الاداء “الوحش” ده عمل ملايين التفاعلات والمشاهدات واللي خلت هالاند اعظم هداف حاليا في اوروبا يشير الفيديو و يقول ان كلمه صلاح حتخلي لعيبة كتير تتشجع وتتخلى عن صمتها ده المطلوب، كونه بقى أن الكلام مايع، مافيش ادانة واضحة، مسك العصاية من النص. قصف الجبهات مش دور صلاح خالص، واصلا هو فيديو غير موجه لينا، ورب فيديو بسيط من غير عياط ومن غير نرفزة ومن غير شتيمة ومن غير ادانات وشجب وعياط ودموع لكن يوصل برة ويغير صوت واحد زي هالاند ده ابرك بكتير".
باسم يوسف عن محمد صلاح: "ملهم الأجيال"
وأردف: "واحد زي صلاح، ملهم لأجيال كتيرة قصة كفاح غير مسبوقة، راجل بيتبرع في السر اكتر من العلن، فاتح بيوت أنا وأنتم مش عارفين عددها، واحد زي ده نخسره ليه؟ عشان ما شفاش غليلك في قضية بقالها ييجي ميت سنة اعتى الانظمة واكبر الدول فشلوا فيها؟ أتأخر؟ ياسيدي المهم إنه وصل، مش قوي بما فيه الكفاية؟ اه بالنسبة لك، لكن بالنسبة لناس كتيرة قوي قوي قوي دي ممكن يكون اول مرة يسمعوا فيها عن القضية، الدنيا برة غير خالص الوطن العربي عندنا بس ده له بوست لوحده".
وتابع حديثه: "فاكرين لما صلاح نزل صورته في القدس وكتب تضامن؟ اتشتم برضة، طيب لما يبقى عندنا واحد بوزن صلاح وكل شوية نشتمه عشان ماعملش اللي إحنا عشمانين فيه، طيب على الاقل لو ما شجعناش صلاح مش لازم ندوس عليه، صلاح مش المفروض يكون هو هدف لغضبك".
أكمل: "انا مريت بالفترة دي: ساكت ليه، ما تعمل زي فلان ما تقول زي علان؟ كل واحد وظروفه وحساباته، لا يكلف الله نفسا الا وسعها، كل واحد ادرى بالضغوط اللي عليه، بلاش نكون احنا كمان سبب زيادة في الضغط عليه".
وأتم باسم يوسف حديثه: "في الاخر كل واحد ورأيه، كل واحد يحب ويكره اللي هو عايزه، لو حبيت صلاح أو كرهته انت حر، البوست ده مش حيغير حاجة. ودي صورتي مع فخر العرب، محمد صلاح".
