حاتم صلاح يتحدث عن نجاح شخصية "نفادي" ويروي مواقف مؤلمة تعرض له
حاتم صلاح يروي موقف أليم تعرض له في بداية مشواره الفني: "منتج خفض أجري وقال ما إحنا هنأكله"
حاتم صلاح يوري موقف أليم تعرض له في بداية مشواره الفني: "منتج خفض أجري وقال ما إحنا هنأكله"..أعرب الفنان حاتم صلاح عن سعادته البالغة، بمشاركته في مسلسل "الكبير أوي 7"، رفقة النجم أحمد مكي، وأكد حاتم صلاح أن الجمهور ارتبط بشخصيته التي قدمها في العمل "نفاد"، وذلك خلال لقائها مع الإعلامي تامر شلتوت، في برنامج In Deep في العمق، المذاع عبر قناته الرسمية بموقع الفيديوهات الشهير يوتيوب:
وتحدث حاتم صلاح عن تعاونه مع أحمد مكي قائلًا "أحمد مكي صاحب جدع، جدًا واتعلمت منه كتير، والناس مرتبطة بشكلي بالباروكة، وفي ناس فاكرة أن دا شكلي الحقيقي من كتر ما ارتبطوا بالشخصية".
حاتم صلاح: "في ناس خبوا مني مشاهد التصوير في التلاجة ومنتج خفض أجري قال ما إحنا هنأكله"
وأكمل حاتم صلاح حديثه بروى موقف أليم تعرض فيه للإهانة من بعض المنتجين في بداية مشواره الفني قائلًا: "مريت بصعوبات كتير منها مرة منتج فني عايز يعملي عقد عمل برقم أقل، فلما أتكلمنا قال ما أحنا هنأكله كمان، وفي مسلسل تاني مشيت منه رغم أنه كان فرصة مهمة بالنسبة لي، لأني مكنتش عارف أخد الورق كامل، بيدوني المشاهد قبل التصوير، ومكنوش عايزين يفهموني أن دوري كبير عشان الفلوس، وصلت لدرجة أنهم بيخبوا الورق في التلاجة".
وأضاف حاتم صلاح في حديثه قائلًا: "أشتغل بمجهودي وبعت حاجات كتير، أفضل ما أروح أستلف فلوس، عشان محدش يهني، مكنش عندي حاجة أخسرها ومكنتش عايز حد يقولي كلمة تضايقني حتى من أهلي".
حاتم صلاح: "لحد فترة قريبة كنت باخد المصروف من والدي"
وحرص حاتم صلاح على توجيه رسالة دعم إلى الشباب قائلًا: "مهما كان الوقت أو السن ممكن تنجح في حياتك، لأن الاجتهاد بيسبق الموهبة، خصوصا لما بتشتغل لحد أخرك، أنا لفترة قريبة كنت باخد المصروف من والدي"
حاتم صلاح: "الحياة مش مضمونه واحنا في رحلة ولازم نسيب أثر كويس"
وأكمل حاتم صلاح حديثه بالحديث عن النجوم الراحلين في سن الشباب قائلًا: "لما بخاف من المستقبل، بقول الموضوع مش مستاهل، وبدخل على أكونتات الشباب الصغيرين زمايلنا اللي توفوا، وأقول الحياة مش مضمونة، إحنا في رحلة ولازم نسيب فيها آثر كويس فقط"
