السيسي: رئيس الوزراء أكثر شخصية تحملت ضغوط "ودايما معانا وبياخد في جنابه"
داعب الرئيس عبد الفتاح السيسي، وزير النقل ووزير الإسكان، بعد طول فترة استعراضهما إنجازات وزارتي النقل والإسكان خلال السنوات الماضية، قائلًا: "يعني انت تفتكر يا كامل يا وزير انت والدكتور عاصم الجزار انتو تفتكروا انتو الاتنين تعرضوا كل دا والناس هتسمعني الناس خلاص عايزين يقوموا يروحوا".
وأضاف "السيسي"، خلال كلمته على هامش جلسات اليوم الثاني لمؤتمر "حكاية وطن.. بين الرؤية والإنجاز"، اليوم الأحد، أن كل ما قاله وزير الإسكان ووزير النقل، وكل نقطة اتعرضت أو لم تعرض كانت محل جهد وإرادة أن تتغير الدولة من واقعها لواقع تاني خالص.
وتابع الرئيس السيسي، أن رئيس الوزراء الدكتور مصطفى مدبولي، هو أكثر شخصية تحملت ضغوط هائلة؛ لأن الوزير المختص بيعرض حاجته ويكمل شغله لكن الدكتور مصطفى كل يوم موجود معانا وياخد في جنابه أنا بتكلم بجد ومش بجامل حد، اوعوا تفتكروا أن فترة الدكتور مصطفى مدبولي، كوزير إسكان أو رئيس وزراء كانت سهلة.
