"زوجي أحضر صديقه وساعده ليغتصبني".. ننشر اعترافات مثيرة وصادمة لربة منزل أمام جهات التحقيق
حصل موقع "الفجر" على نص اعترافات المجني عليها "نادية.س.ا" 32 سنة ربة منزل، أمام النيابة العامة، في قضية الاغتصاب الزوجي، من قبل المتهم "هشام. ع" زوجها، والذي قام بإحضار صديقه لمسكن الزوجية ومكنه من مواقعة زوجته المجني عليها عنوة، مهددا إياها بسلاح أبيض مطواة.
ونستعرض في السطور التالية اعترافات المجني عليها أمام النيابة العامة بحلوان:
- ما تفاصيل الواقعة محل التحقيق؟
"اللى حصل إني تزوجت هشام علي محمد من 12/20/ 2009، وفي شهر 12 اللي فات لقيت جوزي ده بيقولي إن أبو يوسف ده هيجي “ينام معايا”، وأنا كنت رافضة، ورغم كده جابه غصب عني، وخلاه ينام معايا غصب عني بالقوة، وكانوا يمسكوني عشان أبو يوسف ده ينام معايا، وبعدها مشي ساعتها ومجاش تاني، وأنا قولت لهشام ميجيش تاني ومتعملش كده تاني، وبعدين في شهر يناير اللي فات ده لقيته جاب أبو يوسف تاني عشان ينام معايا برضوا غصب عني، لكن معرفش إيه اللى حصل، وهشام قاله قوم أطلع بره وخرج".
بعدها حصلت مشكلة بيننا لقيته بيطلب في يوم الساعة 4 الفجر إنه عاوز ينام معايا كزوجي، وأنا كنت تعبانة لقيته قلب وشه وقلعني هدومي وقالي خليكي عريانة كده إنتي بتحبي كده، وبعدها لأنا روحت على بيت أهلي من يوم 2/6/ 2022، ومن ساعتها مرجعتلهوش تاني وبعدها طلقني في 12 / 2 / 2022 لما تنازلت له عن كل حاجة عشان مش عاوزة أعيش معاه بعد اللي عمله فيا وده كل اللي حصل.
- متى وأين حدث ذلك؟
أنا تطلقت منه 2022/2/12 وكنت في بيت أهلي، وطليقي ده خلى أبو يوسف يجيلي البيت ينام معايا في بيت الزوجية مرة في شهر 12/ 2021 ومرة في شهر 2022/1.
- ما صلتك بكلا من هشام على محمد إبراهيم وأحمد إبراهيم أحمد مصطفى؟
هشام كان جوزي لحد ما طلقني، وأحمد ده شهرته أبو يوسف مليش صلة بيه، لكن كان بيجيلي البيت ينام معايا لما جوزي كان بيجيبه.
- هل حررتي ثمة محاضر بشأن تلك الواقعة؟
مكنتش عارفهة أعمل حاجة
- هل قام المدعو أحمد إبراهيم أحمد مصطفى بمعاشرتك معاشرة الأزواج؟
أيوة هو عاشرني معاشره الأزواج
- وهل نتج عن ذلك الفعل حمل؟
لأ لأني بقالي كثير باخد برشام منع الحمل
- وما هي مدة التعدي عليكي من قبل المدعو أحمد إبراهيم أحمد مصطفى جنسيا؟
هي كل مرة كان بيقعد عشر دقايق تقريبا
- وكيف قام المتهمان بالواقعتين في حضور ابنائك؟
لا أولادى بيكونوا نايمين
- وهل كان المجني عليه أحمد إبراهيم أحمد مصطفى على علم بأنك زوجة المتهم هشام علي محمد إبراهيم منصور حال تعديه عليكي جنسيا؟
لا لأن هشام كان بينزل سكينة الكهربا في البيت كله وأبو يوسف مكنش بيعرف نايم مع مين
- وما هو سبب حضور المدعو أحمد إبراهيم أحمد مصطفي إذًا لمسكن المتهم هشام علي محمد تحديدا؟
هو بيجي على أساس إن هشام جايب واحدة من المعادي وهو بينام معاها
- وما سبب طلاقك من زوجك آنذاك أذًا؟
لأنه كان عاوز ينام معايا وأنا رفضت لأني تعبانة فقلعني وسبني كده وأنا كنت خلاص مش قادرة استحمل فسبتله البيت، وروحت لأختي وبعدها روحت لبيت أهلي
- ما الذي حدث عقب ذلك؟
معرفش أنا سبتله البيت، ومشيت فهو طلقني بس لما أنا اتنازلتله عن كل حاجه لأني مش عاوزة أكمل على الحال ده.
- وهل انقطعت صلتك بالمدعو أحمد أبراهيم أحمد مصطفى؟
أنا أصلا مليش صلة بيه أنا ست بيت مش بنزل وأطلع كتير وهو كان بيجي بيت جوزي لأن جوزي اللى كان بيجيبه.
كان المستشار محمد محسن- المحامي العام لنيابات كلي حلوان، قد أحال الدعوى إلى محكمة الجنايات المختصة بدائرة محكمة استئناف القاهرة لمعاقبة المتهم "هشام.ع.م" 37 عاما عامل، وذلك علي خلفية التحقيقات في القضية 16779 لسنة 2022 جنايات قسم حلوان.
