أحمد جمال يُعلن عدم مشاركته في مهرجان القلعة.. والجمهور ويعلق :"مش بنروح إلا علشانك"

عبر الفنان أحمد جمال عن حزنه الشديد بسبب غيابه عن مهرجان القلعة هذا العام، وهذا الخبر تلقاه جمهوره بالحزن والاستياء. 

حيث كتب المطرب أحمد جمال عبر صفحته الرسمية بموقع التواصل الإجتماعي فيسبوك منشورًا، قال فيه: "للأسف ولأول سنة أنا مش موجود في مهرجان القلعة اللي كل سنة بشارك فيه من بداية مشواري، الحفلة اللي بحبها هفتقدها وهفتقدكم السنة دي".

تعليقات الجمهور على منشور أحمد جمال

وجاءت تعليقات الجمهور على منشور المطرب أحمد جمال كالآتي: "احنا كمان هنفتقدك يا نجم"، "أي حاجة ماتشتركش فيها هي خسارة ليهم مش ليك يا نجم"، "حضرتك فنان محترم وليك قبول كبير قوي من عند ربنا مجرد وجود حضرتك في أي مكان بيعمل بهجة حلوة للمكان لأنك فنان ذكي".

وقال آخرون:  "ده أنا مستنياها من بدري والله"، "كنت هروح عشانك"، "وفانزك جنبك وبيحبك وبيدعمك وربنا هيعوضك خير إن شاء الله"، "أنا بجد زعلت أوي يا أحمد تتعوض السنة الجاية بإذن الله"، "أنا مش بروح المكان ده إلا عشانك والله" وغيرها من التعليقات التي تعبر عن مدى حزن جمهوره.

ماهي آخر أعمال المطرب أحمد جمال؟

وجديرا بالذكر أن آخر أعمال الفنان أحمد جمال هي أغنية "أنا اشتريت" والتي طرحت في منتصف شهر يوليو الماضي تحديد يوم 13، وذلك عبر قناته الرسمية بموقع الفيديوهات الشهير يوتيوب.

ماهي كلمات أغنية أنا اشتريت ؟

خد قلبي وهات اللي تجيبه
ده كفاية أنك تبقى حبيبه
ويا بخته يا حظه ويا هناه
اللي أنت هتبقي من نصيبه

خد عيني أخطفها وسهرها
فـ عنيك الدنيا ومحورها
وطبيعي أن الحاجة الحلوة
بتقع في إيد اللي يقدرها

أنا اشتريت
لا بصراحة أنا حبيت
قلبي اتعملو update ولقيت نفسي معاك

أنا اشتريت
لا ده أنا بيك استكفيت
كنت بدور لفيت ومشيت خطوة خطوة وراك

أنت لقطة بجد متتسابش
لو سيبتك أخسر ماكسبش
عيني شايفاك حلو وكامل مع أن الحلو مايكملش

أنت فرصة أنت متتعوضش
نسخه واحدة أنت ماتكررش
أي حاجة عادي ممكن تحصل
بس أنت جمالك محصلش

هات حتة من قلبك ليا
هاتها وسيب الباقي ليا
لو كانت حنيتك زايدة
هات حبة أنا محتاج حنية

خد وقتك فكر وارجعلي
ده أنا شايفك دايب وواقعلي
عارف قيمتك عمال تتقل
وأنا عارف أنك جاي تبيعلي