فوزى الرشيدى يكتب: حاول تقرأ الدستور

ياريت قبل مانتكلم ونردد كلام الإخوان نشوف الأول كلامهم صح ولا كدب كالعاده لأنك بتخدمهم وبتخدم مشروعهم الظلامى دون أن تشعر حتى وان كنت كاره ليهم ولأفعالهمم

بالنسبه لتحصين وزير الدفاع بص ياسيدى أولا هى مفهاش تحصين للسيسى لأن وزارة الدفاع مش ملك السيسى وكمان إزاى بتقولوا هيترشح وبيحصن وزارته يعنى وزير الدفاع القادم هيكون محصن أكتر من السيسى لو ترشح هل هذا يعقل؟؟

أولا أنا قريت الماده كويس جدا وخليت أكتر من قانونى فى مصر وبره مصر يشرحهالى لأن أدى العيش لخبازه لو هياكل نصه مش نفتى إحنا وخلاص

الماده بتقول .وهى الماده 234 وأراهنك ان تكون قريتها لأنك بتردد بس

ماده 234 يكون تعين وزير الدفاع بعد موافقة المجلس الأعلى للقوات المسلحه ، وتسرى احكام هذه الماده لدورتيين رئاسيتين كاملتين إعتباراً من تاريخ العمل بالدستور .

وبكده حضرتك وبعد الشرح والتفصيل فى الكلمات وممكن حضرتك تسأل فيها متخصص .

معنى الماده إن وزير الدفاع يتم تعينه بعد موافقه المجلس الأعلى للقوات المسلحه لدورتين فقط وكمان يحق لرئيس الجمهوريه عزله أى وقت دون الرجوع لأحد وأعتقد موضوع العزل غير مقنن فى الماده يعنى متروكه قانونا ودستوريا للرئيس يعنى من حقه عزله لكن مش من حقه تعين أى وزير دفاع غير بعد موافقة المجلس الأعلى للقوات المسلحه وعلى فكرة لمدة دورتين فقط يعنى ممكن بعد الدورتين أى رئيس يحق له التعين والعزل دون الرجوع للقوات المسلحه أعتقد وضحت حضرتك وبلاش تردد فقط وكمان أعتقد إن الوقت الحالى مطلوب كده حتى لا يأتى رئيس من اول يوم يفكك الدوله بحجة أن وزير الدفاع أقوى منه أو له شعبيه عنه يارب نفهم ..وكل وقت هابدأ شرح المواد بعد الرجوع لفقهاء من خارج مصر وياريت كلنا نقرأ الدستور ونسأل ونبحث عن التحليل السليم ولا نترك من يرديدون لمصر الظلام ان يجرونا وراءهم للكهف دون ان نشعر .