مجدي إدريس: "أبو علي" علامة فارقة في مشواري.. ويوسف الشريف حر في مبدأ عدم التلامس مع الفنانات
كشف الفنان مجدي إدريس، عن الفيلم المفضل له في مشواره الفني قائلا: "(أبو علي) كان علامة فارقة للكل ومن الافلام اللي كان فيها أجمل كواليس شوفتها في حياتي الناس كلها بتحب بعض، الناس كلها بتشتغل، الناس كلها حابه أدوارها، طلعت الله يرحمه وعم سعيد طرابيك وعم متولي علواني، كذا حد وناس كتير أو ي وكريم كان جميل أو ي ومازال جميل واحمد نادر جلال".
وتحدث خلال حواره مع الإعلامية انجي هشام في برنامج المنسي عبر قناة هي كاشفا أنه نادم على الاشتراك في فيلمه "نعمه " دون الحديث عن التفاصيل.
واختار الفنان الذي يلفت نظره من الجيل الحالي من بين دياب وباسل خياط ويوسف الشريف قائلا:' يوسف الشريف طبعا هو اللي بيلفت نظري وموضوع عدم التلامس دي قناعه شخصية هو مسئول عنها وعنده شجاعه أنه قالها فالصح أننا منتناقش.
وختم قائلا: "لو افترضنا أنك قولتيلي دلوقتي لو نزلت البحر هتغرق قلتلك أنا هنزل دي قناعتي أنا مسئول عنها".
كما كشف الفنان مجدي إدريس سبب بعده عن الساحة الفنية قائلا:' في فرق بين موجود ومتواجد أنا موجود، لكن بعيد عن الساحة الفنية لأسباب عديدة أنا مقتنع جدا باللي أنا فيه وعندي سلام نفسي جوايا وعارف أنا بعمل ايه، أنا معنديش مشكلة إني ادخل مسلسل كبير اعمل مشهد بس لازم المشهد يكون مؤثر والشخصية كويسة.
وأضاف خلال حواره مع الإعلامية انجي هشام في برنامج المنسي عبر قناة هي:' عدم وجودي سببه إن المسألة بقت صناعة لكن مينفعش تقولي تشتري بكام واقولك تعالى ده بكذا وده بكذا، يعني لما فنان يقولك تعالى دا منتج لا ممثل طيب عاوزني معاك على أساس إيه.
وتابع: “أنا بشتغل في العمل مش بشتغل مع فلان، أنا مش برفض إن فنان يقولي تعالى عايزك معايا دور لكن متصدريش إن تعالى فلان عايزك مينفعش بقرش جبنه وبقرش حلاوة في المهنة مينفعش مع احترامي لجميع المهن أنا فنان مش بقال ومش بنبيع إبداعنا”.
وختم قائلا: “أقبل دور لما يكونوا شايفين مجدي ادريس في الدور مش سد خانه ومش أي دور شر اة ماشي أنا بعمل الشر ولعبتي واعتقد اني بلعبها كويس ولعبت كمان كوميدي في المسرح والناس بتستغرب سايبين ده وماسكين في أدوار الشر طيب ماشي اوكي أنا لما بلعب أدوار الشر مفيش شخصية شبه التانية”.
