تامر حسني يشيد بأداء المخرجة سارة وفيق ويؤكد أن تاج بكوادر مصرية 100%

أشاد تامر حسني بمجهود المخرجة سارة وفيق على دورها في فيلم تاج الذي أعلن أمس عن انتهاءه من جميع المراحل استعدادا لطرحه في السينمات وجميع دور العرض بموسم عيد الأضحى المبارك.

ونشرت المخرجة سارة وفيق من خلال حسابها الشخصي بموقع التواصل الاجتماعى فيسبوك صورة تجمعها بتامر حسني معلقة:"مبرووووك يا تيمو نهاية تصوير فيلم تاج،
شكرا من كل قلبي علي دعمك وثقتك فيا،شكرا علي تعبك ومجهودك الجبااااااار اللي عملته في الفيلم شكرا علي دقتك ومثابرتك واجتهادك وكل حاجه عملتها عشان فيلم تاج يطلع بالشكل اللائق بجمهورك الكبير من أول كتابتك للفيلم لحد آخر يوم تصوير".

سارة وفيق تقدم رسالة شكر لتامر حسني

واستكملت حديثها:"شكرًا أنك بتحترم جمهورك وبتقدمله كل جديد،أنت ميجا ستار مش من فراغ أنت أكتر واحد قابلته في حياتي بيحب شغله وبيخلصله عشان كده إن شاء الله ربنا هيكرمك بنجاح الفيلم ونجاح كل شغلك
معنديش كلام يوفيك حقك والله يا تيمو ".

واختتمت حديثها ممازحة  :"واخيرًا لازم جمهورك يعرف انك مابتنيمناش كلنا 
ربنا يكرمك بكرمه الواسع ويفرحك وينجحك وينجحنا معاك يا أجمد سوبر هيروووووو يا تاج يا جاااااااامد ".

رد تامر حسني على المخرجة سارة وفيق

قام تامر حسني بترك تعليق لها على المشور الخاص بها معلقًا:" يا استاذة سارة انتي مخرجة عظيمة وتستحقي كل الدعم انتي وكل فرد اشتغل في الفيلم ده".

تامر حسني يؤكد أن فيلم تاج بعمالة مصرية 100٪

واستكمل:"و ثقتي الكبيره فيكي وفي كل افراد العمل هي اللي خليتني مشغلش ولا عنصر اجنبي في فيلم تاج ويبقى فيلم مصري ١٠٠٪؜ بقيادة شباب مصري ١٠٠٪؜  ده غير انك مخرجه مختلفه وقلبك جميل وعملتيلي فيلم من اعز افلامي ( فيلم مش انا ) النهارده بتخرجيلي فيلم كنت بحلم اعمله من وانا طفل  يعني كنتي بتخرجيلي حلم مش مجرد فيلم  و ده من ثقتي اللي ملهاش حدود فيكي، ربنا يوفقك ويكرمك انتي وكل حد اشتغل من قلبه في الفيلم ده ويكرم كل الناس يارب ".

قصة فيلم تاج لتامر حسني

يعتبر قصة فيلم تاج جديدة لأول مرة من نوعها في تقديم فكرة السوبر هيرو "التؤام الخارق" وتبين من إعلان الفيلم ظهور شخصية الذي يجسدها تامر حسني وهى تجلس على برج القاهرة وتتناول الوجبة المصرية الشهيرة "كشري" ليبدأ بعد ذلك بقوته الخارقة الهبوط، ومن المعروف أنه سيكون مدرس موسيقى يقع في حب فتاة ويضطر به الأمر أن يعترف بقواه الخارقة خاصة في وجود أخيه والفيلم يدور في إطار شيق.

طاقم عمل تاج

يشارك في الفيلم عدد من النجوم منهم تامر حسني، دينا الشربيني، هالة فاخر، بيومي فؤاد، ساندي، إحسان الترك، وهو من تأليف تامر حسني، ومن إخراج سارة وفيق، ويعد هذا التعاون الثاني لتامر حسني مع سارة وفيق بعد نجاح فيلم مش أنا.