حاتم صلاح: كنت قلقان من دور الشرير في مسلسل "الصفارة"
قال الفنان حاتم صلاح عن دوره فى مسلسل الصفارة، أنه كان قلقًا عندما كلمه أحمد أمين عن شخصيته في المسلسل، لأن الدور المفروض شرير وبيضحك فى نفس الوقت، بحد وصفه.
حاتم صلاح يتحدث عن كواليس مسلسل “الصفارة”
وأضاف خلال حلوله ضيف ببرنامج واحد من الناس مع الاعلامي عمرو الليثي على شاشة الحياة، "أصبت بدور حساسية على الصدر قبل المسلسل بيومين، وكلمتهم اعتذر، وقالوا لى روح للدكتور، والدكتور قال لى لازم راحة ١٤ يوم على الاقل، وكمت أحمد امين قال لى هاخدك معايا حتى لو بتطلع بضهرك وده طمنى جدًا لأن كانت الكحة شديدة.
حاتم صلاح يكشف عن الفرق بين مسلسلي “ الكبير أوي” الصفارة "
وتابع حاتم: “من أحلى المشاهد اللى عملتها فى مسلسل الصفارة وبضحك عليها جدا هو مشهد تاجر الاثار، ومشهدى أنا وطه فى صالة البلياردو بردو من المشاهد اللى بحبها”.
وأضاف حاتم أنه كان هناك خروج عن النص فى الصفارة بس مش زى الكبير أوى.. وكنا بنغير اللازمه كل حلقة.
و أشار إلى أنه لم يتزوج بسبب الفن وأنه أجل مشروع الزواج حتى يقف على أرض ثابته فى الفن، وأنا لفيت على مكاتب الكاستنج كتير، واشتغلت فى الأول فى شركة تامين وشركة شحن جوى وبحرى وشركة سيلز وشغلانات صعبه كتير، وأنا بدأت من تحت، وأنا شوفت حاجة للأستاذ نور الشريف بيقول أنه انتج لمخرجين صغيرين زى محمد خان ودواد عبد السيد علشان يختصر ليهم وقت وبقوا مخرجين كبار والأستاذ أحمد الجندى وأحمد مكى عمل معانا كده وطلعوا جيل جديد.
