القصة الكاملة لمقتل عروس طنطا العذراء

‏تلقى اللواء محمد عمار مدير أمن محافظة الغربية إخطارا من مركز شرطة طنطا، يفيد بالعثور على جثة  فتاة تدعى "آية" التى تزوجت منذ يومين ولم تكمل 48 ساعة داخل عش الزوجية هامدة داخل غرفة نومها، مصابة بـ 8 طعنات متفرقة في الجسد، وأن المتهم في الجريمة هو زوجها “محمد"،  و وقعت الجريمة في عزبة كفر داود قرية نفيا، بمركز طنطا الغربية.

‏القصة الكاملة لقتل عروس طنطا  

شهد مركز طنطا محافظة الغربية حادث أليم تقشعر له الابدان حيث اقدم شاب يدعي "محمد. 29 عام"  على قتل زوجته "آيه الشربيني" بعدما طعنها عدة طعنات في مناطق متفرقة من الجسد، مدعيًا إنه ا رفضت  إعطاءه حقه الشرعي ليلة الزواج وكلما اقترب منها نهرته.

تمكنت شرطة طنطا من القاء القبض على القاتل ومواجهته بارتكابه للجريمة ف اعترف إنه قام بالفعل وقال  إنه لم يقصد قتلها وقد صبر عليها وقت طويل بسبب خجلها ولكن دون فائدة فهي لما تتقبله وكانت ترفض اقترابه منها، واضاف أنه متزوج من عروس طنطا في يوم الاثنين الماضي، ولم يتمكن من ممارسة حقه الشرعي في أول ليلة زواج بسبب الإجهاد والتعب طوال اليوم.

وخلال التحقيقات قال القاتل "في اليوم الثاني من الزواج استيقظنا بعد الظهر، وحاولت إني أخد حقي الشرعي منها إلا أنها كانت تقول لا ابعد عني ومتقربليش، ومرضتش إني أعمل حاجة معاها، واتغدينا مع بعض وقعدنا باقي اليوم نتفرج مع بعض على فيلم ونتكلم ونضحك ونهزر، وبالليل اتكلمت معاها تاني فهي قالتلي أنت مستعجل على إيه، قدامنا العمر كله ولسه بدري علينا لحد ما نمنا".

و تابع خلال التحقيقات "إنه في يوم الأربعاء، صحينا الصبح بدري، وحماتي جت الساعة 10 الصبح، ومعاها أكل وكان معاها الذهب بتاع مراتي، وادتهولي وقالتلي أنت أولى بيه، وأنا رديت عليها وقولتلها أنا معايا أغلى من الدهب يا ماما، وبعدين هي قعدت معانا ساعتين وطول الساعتين قعدت معانا إحنا الاتنين نتكلم ونضحك ونهزر، وبعدها مشيت، وبعد ما والدتها مشيت قعدت معاها وقولتلها أنا عايز أخد حقي الشرعي منك وهي لسه بتتهرب مني، وأنا بكل الطرق حاولت أكلمها وأعرف هي مش راضيه ليه، وقالتلي علشان هي لسه مخدتش عليا ومكسوفة مني، فأنا وقتها سكت وقعدنا نتكلم سوا، وفضلنا كدا لحد على الساعة 11:30 مساء وبرضوا هي مرضيتش".

و أردف المتهم "أنا كنت جبت آخري منها وتوجهت إلى المطبخ واخدت سكينة كبيرة شوية كانت محطوطة على الحوض، ولما دخلت أوضة النوم كانت هي مدياني ضهرها، فطعنتها في ظهرها بالسكينة وضربتها أكتر من ضربة، وهي حاولت تفلت مني وبتتقلب بسرعة علشان خاطر تهرب قمت ضاربها بالسكينة في رقبتها وفي وشها، ولما شفت الدم قعدت أخبط فيها كتير بالسكينة وهي كانت على حرف السرير ووقعت على الأرض ما بين السرير والتسريحة، وأنا كملت فيها ضرب لغاية ما أتأكدت إنها ماتت، وبعد كدا رميت السكنية جنبها ولبست هدومي وكلمت اخوها حازم وقولتله تعال دلوقتي في مصيبة تعالى الحقني، ونزلت الشارع بعدها وطلبت الإسعاف، وأنا قعدت أصرخ وأصوت وأقول الحقوني مراتي راحت مني الحقوني، وبعدين الناس في المنطقة اتلمت فأنا كنت نايم في الأرض وبصوت وأصرخ بأعلى صوتي علشان حد يلحقها".

و اكمل الزوج "جاء الإسعاف والشرطة، ولما الإسعاف وصل طمنوني شوية والشرطة وصلت واتكلموا معايا علشان يعرفوا إيه اللي حصل، وأنا حكيتلهم كل حاجة بالتفاصيل، وبعدها خدوني بعربية الشرطة وروحت على مركز الشرطة".

قرر قاضي المعارضات بمحكمة طنطا بمحافظة الغربية، تجديد حبس العريس الذي قتل زوجته لمدة 15 يومًا على ذمة التحقيق.

والدة آية الشربيني واعترافها على القاتل

قالت والدة المجني عليها "آية الشربيني"، عروس طنطا العذراء، إنها ذهبت إلى ابنتها في يوم الصباحية مثل جميع الامهات ومعها الطعام والشبكة للاطمئنان على ابنتها والمباركة لها ولزوجها، وعندما جلست مع ابنتها منفردة روت لها أن زوجها يريد إتيانها من الدبر ويأتي بفاحشة قوم لوط، وأنها طلبت كتم سرها وعدم اخبار اي أحد من الاقارب بهذا الامر وعدم التحدث مع الزوج، لترد عليها الأم اصبري انتم لسه بداية حياتكم الجديدة.

وقالت ام" آية عروس طنطا" إنه ا لم ترى من هذا الشاب خلال فترة الخطوبة أو خلال الزيارة إلا كل مودة تجاه ابنتها، حيث إنها لو شكت أو لاحظت أنه ينوي الغدر بابنتها لاخذتها معها وأنه ليس هناك مبررا يدفع القاتل لتنفيذ خطته وأن يقتل ابنتها، والموضوع مش دهب ولا حق شرعي، مش مبرر إنه يقتلها علشان يدبحها زي الفرخة، وكان يكلمني.