خاص| ننشر نص اعترافات المتهم ببيع طفلته مقابل 150 ألف جنيه: "ظروفي صعبة" (مستند)
تباشر نيابة الهرم، بجنوب الجيزة، التحقيق مع شخص وزوجته، لاتهامهما ببيع طفلتهما حديثة الولادة على صفحة "فيس بوك"، بمقابل مادي 150 ألف جنيه
وحصلت بوابة "الفجر" على نص اعترافات المتهم ببيع طفلته حديثة الولادة عبر صفحة على "الفيس بوك" في القضية التي حملت رقم 12061 لسنة 2023، وجاءت التحقيقات كالتالي:
س. مااسمك؟ وعملك؟
ج. عادل سید محمد سيد، 44 عامًا، عامل من بني سويف
س: ما قولك فيما هو منسوب إليك من الك منهم بالاتجار بالبشر عن طريق تعاملك في الطفلة المجني عليها بالعرض للبيع مع كونهت عديمة الأهلية وكونك احد أصولها ؟
ج: حصل
س: ما قولك فيما هو منسوب إليك من انك منهم بتعريض الطفلة المجنى عليها للخطر؟
ج: أنا مكنتش عايز أضرها
س: ما تفصيلات إقرارك ؟
ج: انا متجوز وعندي 3 عيال وللأسف معرفتش أربيهم كويس ولا حتى أعلمهم فكنت انا ومراتي / بسمة حسن إسماعيل متفقين اننا مش هنخلف تاني خصوصا أن الأوضاع دلوقتي بقت صعبة وفلوسنا قليلة علينا، لكن اللي حصل
ان في نص سنة ۲۰٢٢ عرفنا أن مراتى حامل فاحنا اتفقنا أننا هنسقط الجنين بس لما رحنا لدكتور قال ان ده ممكن يكون في خطر على حياة مراتي فمسقطناش الطفل
بعد كدة فكرنا في أن في ناس كتير مبيخلفوش ونفسهم في طفل، ففكرت أنا ومراتي، أننا نعرض الطفل للتبني لما يتولد وبكدة نكون اديناه لحد ممكن يربيه أحسن مننا وفي نفس الوقت نشيل حمله عن كتافنا وكمان ناخد فلوس مقابل اننا نديه لحد
وفعلا أنا دورت على جروبات على الفيسبوك
لقيت جروب اسمه (تبنى أطفال أيتام رغم بعد المسافات) ونشرت عليه بعرض ان حد يتبنى طفل لسة مولود، وفعلا لقيت ناس دخلت تكلمني وتطلب مني ومنهم واحد كلمني على الماسنجر قال أن اسمه مصطفى، فاتفتفقت لما يتولد وأنا طلبت فيه 150 ألف جنيه وهو وافق، وفضلنا على اتفاقنا ده لحد ما مراتى ولدت بنت وانا اتفقت مع مصطفى ده إنه يقابلني بعدها بيومين في ميدان الرماية وبعدها اتقابلنا فعلا ولقيته راكب عربية فلما رحت أنا ومراتي | للعربية لقينا الحكومة جت قبضت علينا وخدونا قسم الأحداث وفضلت هناك لحد ما جابوني النيابة النهاردة.
س: ما هي حالتك الاجتماعية ؟
متجوز وعندي 3 عيال
س.وماعملك؟
ج: أنا بشتغل عامل حفارات
س: ما متوسط دخلك الشهري؟
ج حوالي۲۰۰۰ جنبه
س: منذ متى تشمل ذلك العمل ؟
ج: بقالي فيها نحو سنة تقريبا.
س: ما كان عملك قبلها ؟
ج مكنتش في شغلانة محددة كنت عامل محارة أو عامل بنا أو شغال في فرن.
س: ما هي حالتك المادية؟
ج: حالتي المادية صعبة جدا وفلوسي اللي باخدها من شغلي قليلة بتكفينا بالعافية.
س: ما مستواك التعليمي ؟
ج: أنا متعلمتش خالص.
س: هل لديك ابناء ؟
ج: أيوة عندي بنت وولدين
س: ما أعمار أبناءك ؟
ج: بنتي الكبيرة فاطمة عندها ٢٠ سنة وابني الوسطاني حسن عنده 17 سنة وابني الصغير الحسيني عنده 11 سنة.
س: هل ما زلت تعول أبناءك ؟
ج: بنتي اتجوزت فمبقتش بصرف عليها لكن لسة بصرف على ولادي التانيين
س: ما مستوى أبناءك التعليمي ؟
ج: انا معرفتش أدخل حد فيهم المدرسة.
س: هل كنت تنوي إنجاب طفل آخر ؟
ج: لا بالعكس اتفقت. مع مراتي أننا مش
س: هل حاولتما إجهاض الطفلة المجني عليها ؟
ج: كنا بنفكر نسقطها بس احنا كنا عرفنا بالحمل ومراتي في الشهر التالت فالدكاترة قالوا لنا ان الوقت عدى
