تعرف على سبب بكاء الإعلامية بسمة وهبة في برنامجها العرافة

زادت محركات البحث عن الإعلامية بسمة وهبة، وذلك بعد بكائها في حلقتها مع الفنان محمد فؤاد، في برنامجها العرافة.

حيث بكت الإعلامية بسمة وهبة، بسبب محمد فؤاد، وكانت ستغادر الحلقة ولم تستكمل التصوير، بعد بكائها بشدة إلا أنها عاودت واستكملت الحلقة.

فقد دخلت في نوبة بكاء أثناء غناء الفنان محمد فؤاد أغنية طمني عليك، وتأثرت وطالبته بالتوقف لكنه استمر، فلم تتمكن من السيطرة على نفسها، وبكت بشدة.

وقبل بكائها قال الفنان محمد فؤاد، أنا جاي وعمال أقرأ قرآن عشان ربنا يهديكي ولو غلطتي معايا، ده تهديد على الهواء، اللي قدامكم دي أوطنة وعاملة 7 رجالة، وكل الكلام ده هتش، أنا عارف نقطة ضعفها وهوريهالكم دلوقتي، أنا هفرجكم عليها دلوقتي.

كما أنه قبل إذاعة الحلقة قامت بسمة بكتابة منشور عن حسابها: بص يا محمد يا فؤاد أنا بجد مش مسامحاك ومتشكرة ليك لأن الأغنية بقيت أسمعها وعايزة أقول للسادة المشاهدين أن أغنية ممكن تكسر البني آدم من جوة، وتحسسه بحزن شديد، زمان الأغنية دي لما تشتغل مكنتش بحس بالضعف ده ولا بكسرة القلب ده والحزن ده لكن أنا كبرت في السن، كل ما أكبر كل ما مشاعري بتكبر، بحب ولادي وواحشني، بحلم إني أشوفهم وسعيدة لما بشوفهم، مش مسامحة إنك اتكيت على الحتة دي ودموعي تنزل مش هو ده الصح زعلانة منك، مدربة نفسي، الأغنية شغالة، كلمات الأغنية صعبة للي مفتقد شخص، ولادي لما بيوحشوني بروح على صورهم وأشوفها عشان تصبرني وأنا ولادي مش عايشين معايا من صغرهم كل واحد في بلد، أنا كبرت وعرفت دلوقت إني كبرت لأن مشاعري مش بتتحمل، بيوحشوني أكتر من الأول وبشتاق لهم اكتر من الأول ونفسي أعيش معاهم أكتر من الأول، أنا لولا إني بحترم المحطة كنت سبت الحلقة بس أنا كملت الحلقة، ومش مسامحاك يا محمد يا فؤاد ولا مسامحه كل واحد تآمر معاك عارف نقطه ضعف.

والجدير بالذكر أن يعرض برنامج العرافة للإعلامية بسمة وهبة على بعض القنوات المعروفة، ويستضيف البرنامج خلال 30 حلقة مجموعة من نجوم مصر.

ويتم عرض برنامج العرافة على قناة النهار في تمام الساعة 6،15 مساء.

وعلى  قناة المحور في تمام الساعة 6.15 مساء.

يتم إعادة البرنامج على القناتين في تمام الساعة الثالثة عصرًا من اليوم الثاني.