إجازات شهر أبريل
تعرف علي الإجازات الرسمية في شهر أبريل 2023
تزيد محركات البحث من قبل المواطنين من اجل معرفة إجازات شهر أبريل 2023.
لذلك قامت بوابة الفجر الالكترونية باستعراض كافة التفاصيل حول إجازات شهر أبريل 2023.
إجازات شهر أبريل 2023
أولا إجازة: الإثنين ١٧ أبريل
عيد شم النسيم
شم النسيم أو عيد شم النسيم عيد مصري قديم من حوالى 2700 قبل الميلاد، يعنى عيد عمره اكتر من 4700 سنه. اسم شم النسيم جاي من كلمة شمو وهيا كلمه هيروجليفي
عيد شم النسيم عند المصريين القدام بيعلن بداية الحياه لان المصريين القدام شافو ان الربيع بداية الحياه (لان الزهور بتتفتح فى الربيع وكمان الزرع بيخرج من الارض).
المصريين القدام كانو بيحتفلوا بشم النسيم بنفس الطريقه اللى لسه موجوده لغاية النهارده، فكانو بياكلو البيض الملون والفسيخ والسردين والبصل والخس، وكل حاجه منهم بترمز لرمز. زى البيض اللى هوا رمز خروج الحياه، لان الكتكوت بيخرج من جماد. والفسيخ أو السمك المملح عموما كان تعبير من المصرى القديم عن حبه للنيل (لان السمك بييجى من النيل). والبصل اللى كان رمز للحياه عند المصريين القدام، وكانو بيعلقوه على الجدران بتاعة بيوتهم (زى ما بيحصل لغاية دلوقتى ).والخس اللى كان اسمه (عيب) بالهيروجليفى كان بيعتبر من النباتات المقدسه، وكان معروف من الاسره الرابعه.
الاحتفال بشم النسيم عند المصرى القديم كان مهرجان شعبى بيبتدى مع طلوع شمس اليوم، وكان بيقضيه المصريين فى الفسح فى الجناين وعلى شط النيل والاماكن اللى فيها زرع. وبيكون شم النسيم يوم الاتنين اللى بعد عيد الفصح واللى بيكون يوم حد.
شم النسيم، اقدم عيد شعبى فى الدنيا، بيفتخر بيه المصريين باعتباره عيد خاص بيهم وبمصر بغض النظر عن عقائدهم الدينيه. اتنقلت مظاهر كتيره من احتفال المصريين بعيد شم النسيم لمناطق تانيه فى العالم وحتى أوروبا.
شم النسيم مالهوش علاقه بعيد النيروز المصرى اللى هو عيد السنه القبطيه فى اول شهر توت واللى كان بيتعمل فيه كرنفال فى القاهره.
ثاني إجازة: الجمعة ٢١ أبريل - الأحد ٢٣ أبريل
عيد الفطر المبارك
عيدُ الفطر عيد إسلامي في اليوم الأول من شهر شوال الذي يفطر فيه المسلمون محتفلين بإتمام عبادة الصيام في شهر رمضان. وهو أحد عيدي المسلمين والعيد الآخر هو عيد الأضحى أحد أيام الحج في العاشر من شهر ذي الحجة. احتفل المسلمون بأول عيد فطر في الإسلام في السنة الثانية للهجرة بعد صيام أول رمضان في تلك السنة، ويحرم صيام أول يوم من أيام عيد الفطر.
ثالث إجازة: الثلاثاء ٢٥ ابريل
عيد تحرير سيناء (٢٥ أبريل ١٩٨٢)
عيد تحرير سيناء أو ذكرى تحرير سيناء هو اليوم الموافق 25 أبريل من كل عام، وهو اليوم الذي استردت فيه مصر أرض سيناء بعد انسحاب آخر جندي إسرائيلي منها، وفقا لمعاهدة كامب ديفيد. وفيه تم استرداد كامل أرض سيناء ما عدا مدينة طابا التي استردت لاحقا بالتحكيم الدولي في 15 مارس 1989 م. وهذا اليوم عطلة رسمية للدوائر الرسمية والمصالح الحكومية المصرية. تم تحرير سيناء من الاحتلال الإسرائيلى في عام 1982 م واكتمل التحرير عندما رفع الرئيس المصري الأسبق محمد حسني مبارك علم مصر على طابا آخر بقعة تم تحريرها من الأرض المصرية في عام 1989.
