طلب العلم عبادة.. مدير مدرسة ابتدائي في المنوفية يوجه رسالة شديده اللهجه لأولياء الأمور

وجه مدير مدرسة ابتدائي بمحافظة المنوفية رسالة شديدة اللهجة لأولياء الأمور بسبب الغياب وذلك من خلال صفحة المدرسة الرسمية على الفيس بوك وكان نص الرسالة كالتالي

أعزائي الكرام أولياء أمور الطلاب:

لو حضراتكم عارفين بغياب أولادكم من المدرسة وراضيين عن كده تبقوا بتعلموهم الكسل في شهر الهمة وتبقوا بتتنازلوا عن جزء مش قليل من درجاتهم في بند السلوك والانضباط وممكن واحد منهم يبقى نجاحه آخر السنة متوقف على درجة كان ممكن ياخدها في أعمال السنة دي.

كما قال مدير المدرسة فى رسالته لأولياء الأمور هذا “أما لو حضراتكم ما تعرفوش بغياب أولادكم لانشغالكم في طاحونة الحياة فلو سمحتم ممكن تتابعوا معدل حضور أبنائكم ولو مرة واحدة في الأسبوع عشان تبقوا معانا في نفس مركب التربية قبل التعليم وإلا ح نطلع رجالة مستهترين بكل شيء".

كما قال مدير مدرسة ابتدائي بالمنوفية فى رسالته لأولياء الأمور هذا "لو حضراتكم كأولياء أمور شايفين إن حضور أولادكم للمدرسة مالوش فايدة وإن الدروس مقضية الغرض فحضراتكم كده بتكتفوا بالجانب المعرفي بس في شخصية عيالكم وبتتنازلوا عن الجوانب الأهم في بناء الشخصية السوية (الجوانب الوجدانية والسلوكية) وبكده ح نطلع أجيال حافظة مش فاهمة.

السادة الأفاضل أولياء الأمور:

فحضور أولادكم للمدرسة مهم جدًا بشكل عام وفي شهر رمضان المبارك بشكل خاص فطلب العلم عبادة لا تنفصل عن عبادات الصيام والصلاة.