مسلسلات رمضان 2023..كريم عفيفي يكشف مفاجئات جديدة عن مسلسل رمضان كريم (حوار)
فنان شاب تألق على خشبة المسرح وفي الساحة الفنية، خطف الأنظار إليه نظرا لبراعته وتلونها بشخصيات مختلفة عشقها الجمهور، وجعلت له موهبة خاصة يتغنى بها محبيه، كريم عفيفي الذي حقق نجاحات عديدة منذ ظهوره على الساحة، والذي جعل الجمهور ينتظر مشاهده التي يغلب عليه التلقائية التي تسعد المشاهدين في كل الأوقات.
ومع اقتراب حلول شهر رمضان المبارك، يتابع الجمهور أبرز المستجدات حول مسلسلات رمضان 2023، وسيشارك كريم عفيفي في هذا الموسم من خلال مسلسل رمضان كريم 2، الذي تم التحضير إليه بعد مرور عدة سنوات علي الجزء الأول.
حرصت بوابة الفجر الإلكترونية على التواصل معه من أجل الكشف كواليس ومفاجآت العمل، وجاء نص الحوار على النحو التالي:
هل كنت متخوف من تقديم جزء ثاني من مسلسل رمضان كريم 2؟
-لا خالص رمضان كريم مسلسل منجحش في نفس السنة وبس بالعكس ده عايش مع الناس بشكل كبير والناس بتحبه ومكنتش متخوف من ذلك.
ما هي التغيرات التي تطرأ على شخصيتك في مسلسل رمضان كريم 2؟
-عدم وجود باباه وبقي مهتم اكتر انو يبقي عائل للأسرة دي ويركز أكتر في الحياة ومنظوره هو للحياة بمنظور مختلف عن بقية الناس.
هل ستشارك في عمل آخر بجانب مسلسل رمضان كريم؟ وما هو العمل؟
-لا مفيش عمل تاني في رمضان السنة دي بس في "جت سليمة" مع الفنانة دنيا سمير غانم طالع ضيف شرف مش في المسلسل كلو.
حدثنا عن كواليس مسلسل رمضان كريم 2 بعض انضمام مجموعة من أهم نجوم الكوميديا إليه؟
-كواليس المسلسل في الجزئين حلوة جدًا، والناس بتشتغل بحب وإحساس أجواء رمضان بتبقي واصلة لينا عشان كده بنقدر نوصلها للناس، الطاقم كلو بيبقي مبسوط وفرحان بوجود التصوير، وكل الطاقم حابب بعضه ومفيش اي مشاكل، كل الطاقم لذيذ جدًا من أول المخرج الكبير سامح عبدالعزيز مرورًا بكل طاقم العمل.
هل وجه صناع العمل صعوبات في التحضير للجزء الثاني من العمل؟
- لا مفيش أي صعوبات، المسلسل كان مكتوب منة حلقات كتير قبل التصوير وبيتصور بشكل منتظم وكل حاجة كانت ماشية كويس.
من وجه نظرك هل تتوقع أن نجاح الجزء الثاني من المسلسل سيكون أكثر من نجاح الجزء الأول؟
- النجاح في الأول وفي الاخر بتاع ربنا، الجزء الأول لم ينجح فقط في سنة عرضه ولكن بينجح كل سنة خلال عرضه، وأتوقع نجاح الجزء التاني أيضًا بشكل كبير، مينفعش نقارن بين نجاح الجزئين لأن هما الاتنين عمل واحد بيكملوا بعض.
وجه رسالة إلى الراحل محمود الجندي؟
-الله يرحمه ويحسن اليه، كان رجل عظيم في شغله وكان بيحب كل الناس اللي حواليه وكان نجم كبير وكنت بحبه على المستوى الشخصي والمستوى الفني أيضًا.
هل هناك عمل كنت ترغب أن تشارك فيه داخل السباق الرمضاني؟
-لا متفرجتش علي حاجة لسه عشان احدد، بس كنت عايز أعمل رمضان كريم 2 بصراحة.
ما رأيك في الانتقادات اللاذعة التي تعرضت إليها بعض المسلسلات فور طرح البرومو الخاص بالعمل؟
-احنا بقينا نحب ننتقد بشكل كبير وبشكل خاطئ ومبالغ في، الناس بتحكم على الحاجات بالقشرة من غير ما تشوفها، لازم الناس تستني تتفرج وبعدين تنتقد وتقول رأيها أو تقلب القناة خالص ومتتفرجش، لكن لا يجب الانتقاد قبل المشاهدة.
ما هي الأعمال التي تنوي مشاهدتها في السباق الرمضاني المقبل؟
- حاجات كتير بصراحة، انا متفرج جيد في رمضان وبحب اتفرج على حاجات كتير، هتفرج علي سره الباتع وجعفر العمدة وعملة نادرة و"جت سليمة" و"رشيد" والاجهر وبابا المجال.
ماذا تفضل بين عرض الأعمال داخل السباق الرمضاني أم خارجة؟
- ده حاجة وده حاجة ومفيش مقارنة بينهم، موسم رمضان له طعم حلو خاص، والعرض خارج السباق الرمضاني أيضًا يحقق نجاحات كبيرة.
