مرض غامض ومنع الزيارة.. تفاصيل الحالة الصحية للفنانة شيرين الطحان

تصدر اسم الفنانة شيرين الطحان محركات البحث بعدما تدهورت حالتها الصحية.

كشفت الفنانة صفاء جلال، آخر تطورات الحالة الصحية للفنانة شيرين الطحان، وأكدت أن شيرين لسه بتعاني من التعب الشديد، والدكاترة بيجربوا أدوية جديدة وبيحاولوا يوصلوا لحاجة تتماشى مع مرضها ويارب يلاقوا العلاج اللي يناسب حالتها.

وأكدت وضعها في غرفة عادية بعد ما اتنقلت من العناية المركزة، وأنها حاولت زيارتها بس الأطباء منعوا عنها الزيارة نهائيًا، وبتمنى الزيارة تتفتح تاني عشان أطمن عليها.

مرض شيرين الطحان

كانت شيرين الطحان، قد كشفت تفاصيل حالتها الصحية منذ فترة قائلة: كان فيه مشكلة في القلب والرئة، ولما دخلت الطوارئ قالوا عندي اشتباه في جلطة، عملت تحاليل وكانت الصفايح الدموية مش كويسة وقالوا لازم يتنقل دم وبوتاسيوم، وحجزوني في المستشفى بس أنا خرجت على مسؤوليتي عشان مبحبش المستشفيات، ولما وصلت البيت تعبت ورجعوني المستشفى ودخلت العناية المركزة، ونقلولي بوتاسيوم ومستنية أكياس الدم اللي هتتنقلي، والموضوع صعب إحنا دلوقتي مستنيين الدكتور يبعت لي عينة التأكد وبعدها نحجز أكياس الدم.

أبرز معلومات عن شيرين الطحان

شيرين الطحان من مواليد 5 يونيو 1976.

تخرجت من كلية التجارة، جامعة القاهرة.

عملت كمقدمة برامج في قناة النيل للمنوعات منذ 2000

رشحها المخرج أحمد يسري للمشاركة في بطولة 45 يوم، ومثلت بعدها في عدة مسلسلات تليفزيونية.

الأفلام التي شاركت بها، 45 يوم، أعز أصحاب.

المسلسلات التي شاركت بها، رقم مجهول 2012، اسم مؤقت 2013، الركين 2013، السبع وصايا 2014، واخرهم رمضان كريم 2017.