سهير جودة تعلق على أزمة الانفلونسر: 'لو قاصدين التريند فسيزول سريعا'

حرصت الإعلامية سهير جودة، على التعليق على الجدل الذي اثير حول ارتباط الانفلونسر عمرو راضي بصديقته، متسائلة: «هل طبيعي ده مقبول».

سهير جودة تعلق على الانفلونسر 

واضافت سهير في برنامجها الذي يحمل اسم «الستات»، والمذاع عبر فضائية «النهار»، قائلة: «انا شخصيا لو  اي حد في الدايرة بتاعتي وحد فينا كان بيحب حد هل ينفع بعد ما القصة خلصت حد يرتبط بيه تاني اكيد صعب».

وأشارت: "الحاجات اللي اتهاجموا بيها منها كلمات لاينبغي ان تقال، احنا ضد العنف الشديد، قول رايك ووجه نظرك باحترام، والناس ابتدت تشوف هذا الحدث إنه الجزء الثاني من ازمة منتصف العمر، وفي اللي قال ما دام هو احلى اكس بقى اكس ليه".

وتابعت: "اي حد ليه جمهور على السوشيال ميديا لازم يبقى عنده التزام بالمسؤولية، يا جماعة لو قاصدين الترند فهو شئ مؤقت وهيزول، لكن اللي بيعيش انت قدمت ايه، وستسأل بينك وبين ضميرك على ما تقدمه".

سهير جودة تعلق على زلزال تركيا وسوريا 

وفي سياق اخر علقت سهير في برنامجها الذي يحمل اسم «الستات»، والمذاع عبر فضائية «النهار»، قائلة: «الاخبار بتقول ان الزلزال هو أشد زلزال في العصر الحديث،  يمكن من سنة 1938، محصلش زلزال بهذه القوة وهذه المدة».

وأشارت سهير: «تركيا لها حدود مع سوريا، فالزلزال ضرب البلدين، وللأسف الاخبار بتقول ان كل شوية الاعداد بتزيد، بيقول ان في ٣٢٦ الف شخص توفوا في سوريا، نتيجة للزلزال الضرب الارض، وفي تركيا 912 قتيل، واكثر من 5 الاف جريح».

وتابعت: «في البداية انهار ٢٨١٨ مبنى و١٠ مدن تضرروا، في النهاية ربنا يستر فعلا على كل الناس، ويلطف بكل البشر في تغير المناخ الصعب ده وفي الكوارث الطبيعية ملناش غير الدعاء، يارب قدرتك ورحمتك ان تلطف بنا، من ٨٤ سنة محصلش زلزال بالقوة دي ولا بالمدة دي».