محمد موسى يفتح النار على حمو بيكا: نعمة ربنا ما تترميش على الأرض
علق الإعلامي محمد موسى، على مقطع فيديو متداول على مواقع التواصل الاجتماعي يظهر فيه مؤدي المهرجانات حمو بيكا وهو يرمي الأموال على المطرب الشعبي رضا البحراوي، بأحد الأفراح، مما أثار استياء عدد من الجمهور على «السوشيال ميديا».
وقال موسى، خلال تقديم برنامج "خط أحمر" على قناة الحدث اليوم، إن "حمو بيكا في الفيديو بيرمي مبلغ من المال على المطرب الشعبي رضا البحراوي بشكل هستيري، ده طبعا بيسموه نقطة لكن النقطة دي عرضت الأخ بيكا للعديد من الانتقادات على غرار ما بدر من محمد رمضان سابقا".
وتابع: المشكلة الراجل بيحيي مطرب صاحبه بس كان المفروض نعمة ربنا ما تترميش علي الأرض كنت ممكن يا بيكا تحييه بفلوس مجمدة تديها للراجل اللي بيلم النقطة علي المسرح لكن هقول إيه إيزي كم إيزي جو.. اللي بييجي سهل بيروح سهل".
