منة فضالي عن اتهام مساعدتها بسرقة دينا الشربيني: "البنت مظلومة"

حرصت الفنانة منة فضالي الدفاع عن مساعدتها ابتسام فوزي، والتي كانت تعمل مؤخرًا مع الفنانة دينا الشربيني، التي اتهمتها بسرقة مجوهراتها، مؤكدة أنها مظلومة، وذلك خلال مقطع فيديو لها عبر صفحتها الشخصية موقع تبادل الصور والفيديوهات "إنستجرام".

وقالت منة فضالي: "المساعدة كويسة، وخرجت بالسلامة، وأنا تواصلت مع دينا الشربيني.. ودينا جميلة وأنا بحبها على المستوى الشخصي وممكن حد يكون عمل المشكلة دي في الاتنين، وهي مشكورة راحت وطلعت المساعدة".

منه فضالي: البنت مظلومة ما أقدرش أقول أكتر من كده

وأضافت: “المساعدة بتشتغل مع دينا، من سنين وهي مساعدتها الرئيسية، والبنت مظلومة ما أقدرش أقول أكتر من كده وممكن يكون حد عمل كده عشان يقطع عيشها مع دينا أو لأسباب تانية.

فضالي: مينفعش نقول إنها حرامية وأنا عمري ما شفت منها حاجة وحشة

وأكملت منة فضالي: الست كويسة وكفاية إنها فقدت أمها أغلى حاجة عندنا كلنا، فما ينفعش نجرح في الناس ونقول إنها حرامية فيه ساعات كلام بيتكب ما بيكونش صح، والست اشتغلت معايا سنين وعمري ما شفت منها حاجة وحشة.

منه فضالي: أنا مشيت المساعدة لأنها كانت شغالة مع أكثر من حد

وواصلت حديثها قائلة: أنا مشيت المساعدة لأنها كانت شغالة مع أكثر من حد، وأنا محتاجة حد متفرغ لشغلي لأن لما بيكون حد شغال مع كذا فنان بيكون فيه لخطبة شوية، وأنا واحدة بخاف على شغلي، فطبيعي وحقي وقلت لها ربنا يسهلك.

منه فضالي: رجاء ماحدش يجرح في حد وما أفتكرش أني جرحت في حد

واختتمت منة فضالي حديثها قائلة: رجاء ماحدش يجرح في حد بس مش أكتر وما أفتكرش أني جرحت في حد قبل كده وماليش دعوة بحياة الآخرين، لكن ليا اشتغل والناس اللي معايا يكونوا مريحيني.

أزمة مساعدة منة فضالي

يذكر أن تعود تفاصيل الواقعة، عندما تلقت غرفة العمليات بمديرية أمن القاهرة، إشارة بالقبض على مساعدة الفنانة منة فضالي في أثناء محاولة بيع كمية من المشغولات الذهبية إلى أحد المحال بمنطقة الجمالية، وأكدت التحريات الأولية، أن المتهمة اعترفت بأن المشغولات الذهبية متحصلات واقعة سرقة بأسلوب المغافلة من دينا الشربيني، وتم تحرير محضر بالواقعة واتخاذ الإجراءات القانونية حيالها.