"دخلت الدوامة تاني".. سالي عبد السلام تسرد معاناتها مع معرض الثعلبة

أعلنت الإعلامية سالي عبد السلام عن إصابتها للمرة السابعة على التوالي بمرض الثعلبة، وذلك من خلال حسابها الشخصى على موقع تبادل الصور والفيديوهات "إنستجرام ". 

نشرت سالي عبد السلام مقطع فيديو من داخل المستشفى، وظهرت فيه الطبيبة وهي تقوم بوخز الحقن في رأسها، لتوضح فيه معانتها مع مرض الثعلبة وخلل المناعة، وعلقت: "دخلت الدوامة دى تاني!!! مرض الثعلبة وخلل المناعة للمرة السابعة فى 5 سنين، سبحانك يا رب"، يا دوبك لسه مخلصة علاج وكورتيزون وحاولت أخس تاني وأرجع أعالج شعرى من الصيف، في 5 شهور تعافي بعد ما تتعالج تطلع تاني بالسرعة دي، ودي أول مرة تحصل".

وتابعت: "3 شهور من الضغط النفسي والعصبي ودى أول حاجة ترجع المرض ده، حاولت أمثل إني كويسة زى ما على طول بعمل، بس جسمى كل مرة بيرفض يمثل معايا وابتلى فى أكتر حاجة كنت بحبها… سبحانك يا رب".

وأضافت:"لما الدكتورة تقولى فيه أطفال وبنات بقِت تيجى تاخد الحقن وتقول سالى بتاخدها فرحت،قلت لعلها المنجية من الابتلاء".

وطالبت  سالي عبد السلام متابعيها بالدعاء لها قائلة: "ادعولي، مفيش حاجة تستاهل إنك تضغط على نفسك ولا تزعل وتمرض وتموت !

نبذة عن الاعلامية سالى عبد السلام:

إعلامية وممثلة مصرية ولدت يوم 24 أكتوبر عام 1985، وتخرجت من الجامعة الكندية من قسم إدارة أعمال، وحصلت على دبلوم من الجامعة الأميركية فى الإذاعة والتليفزيون.

بدايتها في التقديم الإذاعي:

انطلقت سالي في مشوارها الإذاعي من  محطة "ميجا إف إم" وذلك  من خلال برنامج "خلى بكرة أحلى"، واستطاعت من خلاله أن تفوز بجائزة أفضل مذيعة لعام 2012 بتصويت جماهيرى فى مسابقة دير جيست الشهيرة، وقدمت برنامج "طلقة على الطريق"، وحصلت للمرة الثانية على جائزة أفضل مذيعة فى الدير جيست، وقدمت برنامج "اسمع وافصل" على 9090، وشاركت ﺳﻴﺖ ﻛﻮﻡ - راجل وست ستات ج9.