بعد خسارة الزمالك.. أديب: "الأبيض هياخد الدوري.. وهذا مصير كهربا"
كشف الإعلامي عمرو أديب، رد فعل الجمهور على خسارة الزمالك أمام النادي الأهلي بالدوري المصري، قائلا إنه وصل مطار القاهرة مساء أمس، مضيفا: "كل ما أبص لحد ألاقيه فرحان.. واحتفالية غير عادية، وكل الناس عايزة تسجل معايا، منه لله رامز جلال".
وقال أديب، خلال برنامج "الحكاية" المذاع عبر فضائية "إم بي سي مصر"، مساء الإثنين، "من أول ما وصلت الاقي حد راقي ايده تلاتة كده، قولت ايه ده سلام الكشافة ده، ويقولولي إنت قولت الزمالك هيكسب خلاص أنا غلط"، مضيفا: "بعون الله هناخد الدوري اوعوا يكون عندكم احباط.. الأهلي مش هياخد الدوري السنادي".
وأضاف، "لا الأهلي هيفضل كده، ولا كهربا هيفضل يلعب في الأهلي، ولا شريف الحريف هيفضل حريف.. كهربا يوم 2 فبراير هينقطع الفولت، البيت الأبيض محتاج يتوضب، وسنظل قادرون، والدوري لسه في الملعب، ووارد جدا نعمل الثلاثية"، متابعا: "الناس كانت بدور عليا بمنكاش، أنا مش رئيس النادي، حالة تحفيل غير طبيعية على العبد لله، نص البلد نامت حزينة"، موجها رسالة إلى مدحت شلبي، "يوم ليك ويوم عليك.. السنادي مش هتبقا ريد، هتبقا بيضة فلة".
ولفت إلى أن المضيفة بالطائرة أخبرته أن هناك شخص يريد أن يلتقط صورة تذكارية معه وعندما جاء كان يريد أن يسخر منه بسبب المباراة فقط، معلقا: "الماتش كان وحش".
