عاجل| "هنعدي المحنة بعزيمة وصبر".. أبرز رسائل الرئيس السيسي للمصريين خلال كلمته لطلاب الكلية الحربية
طمأن الرئيس عبدالفتاح السيسي، الشعب المصري، خلال كلمته أمام طلبة الكلية الحربية، اليوم.
أبرز ما جاء في كلمة الرئيس السيسي أمام طلبة الكلية الحربية
وتنشر بوابة الفجر الإلكترونية، أبرز ما جاء في كلمة الرئيس السيسي، خلال لقائه طلاب الكلية الحربية، اليوم، وجاءت كالتالي:
- مصر وشعبها قادرن يعدوا أي محنة.
- بنمر بظروف صعبة زي كل الدول وده أمر لم نصنعه بنفسنا لكن بطمنكم على الأوضاع.
- لم ندخل في حروب واقتتال ضيعنا فيه قدرات الدولة ومستقبلها.
- حرصنا أن تتسم كل ردود فعلنا بالتوازن والحكمة في التعامل مع المشاكل.
- موضوع الإرهاب اتفرض علينا فرضا وحرصنا ما يحصلش أي شكل من الصراع والاقتتال.
- لازم نفهم إن اللي إحنا فيه نتاج ظروف إحنا مش سبب فيها.
- الظروف الدولية أثرت كثيرًا جدا على تكلفة الحياة في كل حاجة.
- أسعار الطاقة والسلع الأساسية ومستلزمات الإنتاج ارتفعت في الدنيا كلها.
- عندما يتساوى دخل الدولة الدولاري مع مصروفها بالدولار الأمور هتبقى أحسن.
- حجم الصادرات من 40 إلى 50 مليار دولار.. طيب ده كفاية؟ لأ مش كفاية.
- بقول للشعب المصري إحنا بنعاني لكن الحمد لله عايشين وهنقدر نعيش.
- ياما مرت على مصر ظروف أصعب والشعب بعزيمته وصبره وفهمه قدر يتجاوزها.
- كانت فيه مشكلة كبيرة في الدولار خلال الـ3 أشهر الماضية وتجاوزناها.
- بقول للناس وعدنا إنه خلال شهرين هننهي تكدس البضائع في الموانئ وحصل.
- الظروف اختبارات لكشف المعادن على كل المستويات الداخلية والخارجية.
- أنهينا جزءًا كبيرًا من الإفراج عن البضائع وما عندناش مشكلة في الدولار.
- القوات المسلحة لها دور مهم جدا الفترة دي للتخفيف عن الناس البسيطة.
- القوات المسلحة توزع 3 ملايين كرتونة حتى شهر رمضان للتخفيف عن المواطنين.
- الأمور الحمد لله رغم إنها صعبة لكن مسيطرين عليها وهنقدر نتجاوزها.
- مع بعض كلنا على قلب رجل واحد هنقدر نتجاوز الفترة دي.
- كل ظروف صعبة بتمر على أي دولة هي اختبار لقدرة الدولة.
- معادن الدنيا كلها بتظهر في الأزمات وفرصة نعرف قدرتنا على التحمل.
- كل محنة بتمر علينا بتتحول منحة بفضل الله وبالإرادة والعمل والأمل.
