عاجل| رسائل مهمة للرئيس السيسي من سوهاج: نحتاج 70 تريليون جنيه

أدلى الرئيس عبدالفتاح السيسي بعدد من الرسائل الهامة خلال افتتاحه عدة مشروعات قومية في محافظة سوهاج.

السيسي يفتتح مشروعات سوهاج

افتتح الرئيس عبد الفتاح السيسي، اليوم الخميس، عددا من المشروعات بمحافظة سوهاج، وبدأ الحفل بتلاوة مسجلة لقوله تعالى "وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ ۖ وَسَتُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ"، للقارئ الراحل الشيخ محمد صديق المنشاوي، الذي ولد بمدينة المنشأة بمحافظة سوهاج في 20 يناير عام 1920.

الحكومة مطحونة

وأكد الرئيس عبد الفتاح السيسي، على جاهزية دعم المشروعات الشبابية المختلفة، قائلا: "احنا جاهزين.. الأرقام اللى مش تحلموا بيها ومش من جيب الحكومة.. طب ليه.. لأنى مرتب ترتيبات تانية.. الحكومة يعني الدكتور مصطفى  مش يزعل مني الحكومة مطحونة جدا". 


وأضاف الرئيس السيسي: "الدكتور مصطفى النهارة اتكلم عن محافظة واحدة "سوهاج".. نصف اللى اتعمل بحياة كريمة ونص من غير حياة كريمة.. بنتكلم عن 7 تريليونات جنيه.. طب الـ 7 تريليون رقم متواضع قدام الحلم.. انا جاي بالطريق والطيارة وشايف.. لسه بدري أوي أوي أوي.. أنا بتكلم بجد.. لسه بدري".

الدولة  تحتاج 70 تريليون جنيه 

وقال الرئيس عبد الفتاح السيسي، إن الدولة المصرية تحتاج إلى 70 تريليون جنيه وليس 7 تريليونات جنيه استثمارات لتنفيذ مشروعات لخدمة الناس، معقبا: "يا رب يعلمنا ويفهمنا وإننا نشوف.. واللي نشوفه نفهمه".

وأوضح الرئيس السيسي: "اللي إحنا بنعمله في سوهاج أكثر من 100 مليار جنيه، ولكن اللي اتعمل تشغيله بكام؟ يعني عملت مكتب بريد.. الناس اللي هتشتغل فيه هتاخد كام؟ وهيتعمله صيانة بكام؟ ولو عملت مدرسة علشان تحافظ عليها هتصرف كام؟ وكذلك لو عملت مستشفى هتشتغل كل يوم بكام؟ وكل شهر وكل سنة؟ انت داخل في سباق.. مثلا عدد الفصول الموجود دلوقتي أقل من المطلوب بمنتهى البساطة، يبقى انت الأول عايز تسد الفجوة فجوة الموجود مع المفروض يكون موجود".

نحن في حاجة لـ60 ألف فصل بالمدارس سنويا

وأكمل الرئيس السيسي: "نحن في حاجة لـ60 ألف فصل بالمدارس سنويا، ولو النهارده عايز أعمل 60 ألف فصل يعني عايز 60 مليار جنيه، ثم أضع معهم مصاريف المدرسة والطقم الإداري والإشراف في المدرسة يعني بكام؟ أنا كنت براجع أمس مع الإسكان علشان أعمل 200 ألف وحدة تانيين.. لقيت الوحدة معدية عليا الـ700 ألف جنيه.. يعني ال200 ألف بـ140 مليار جنيه".

أول حاجة تتعمل هي الأسفلت

وأردف الرئيس عبدالفتاح السيسي، إنه يتابع "السوشيال ميديا" جيدا وتعليقات كل الناس، واحد مثلا يقول يعني يا كامل يا وزير مش كفاية أسفلت بقى!! ده أول حاجة تتعمل هي الأسفلت.. شبكة الطرق علشان نوصلكم وتوصلولنا.. يا عيني الناس اللى بتقول كده عايشة في مناطق ما شفتش أهالينا في كل حتة في مصر عايشين إزاى وبيمشوا إزاى؟ والبنية الأساسية اللى عندهم أخبارها إيه".

وتابع الرئيس السيسي: "كنا بنقول عندنا صرف صحي لكن نسبته قد إيه 10 أو 13%.. أول ما بدأت سألت: طيب اللى قبل مننا ما كنتش عندهم حلم يعملوا 100%.. لأ عندهم.. بقول كده علشان أبدا أبدا تفكروا كويس جدا قبل ما تطلعوا الكلمة من لسانكم.. لأن الكلمة هنتاسحب عليها قدام الناس والتاريخ وقبل كده ربنا.. كل كلمة محسوبة بدقة.. خلى بالك ما تقبلش الكلمة لأنني أنا شاطر قوى وأنا اللى بعمل.. اللى قبل مننا كانوا عاوزين يعملوا بس مقدروش يعملوا.. كنت بتحلموا كان نفسكم آه طيب منفذتوش ليه؟ مفيش".

أهداف إجراءات الحماية الاجتماعية

وقال الرئيس عبدالفتاح السيسي، إن الحرب الأوكرانية الروسية تقترب من عامها الأول وهى الحرب التي زاحمت وباء كورونا في تاثيراته السلبية على الاقتصاد العالمى وضاعفت منها ولم ينجو من تلك الآثار قاص أو دان وعانت الاقتصادات العالمية معاناة كبيرة تسببت في تداعيات سلبية على كل دول العالم.
 

استفدنا من خطوات الإصلاح الاقتصادي 

واستطرد الرئيس السيسي: "فى مصر واجهنا ولا نزال هذه التداعيات بثبات وقوة مستفيدين من خطوات الإصلاح الاقتصادي التي شرعنا فيها وانعكست آثارها في قدراتنا في مواجهة تلك الأزمة العالمية.. وقد كانت فلسفة التعامل مع هذه الأزمة قائمة في المقام الأول على بذل الجهود لتقليل آثارها المباشرة على المواطن من خلال تنفيذ سلسلة متكاملة من إجراءات الحماية الاجتماعية والعمل على تقليل اثار موجات التضخم التي ضربت العالم والقت بظلالها عليها جميعا وبالتوازى مع تلك الإجراءات فقد عملت الدولة على تعزيز دور القطاع الخاص وجذب استثمارات مباشرة لدعم مؤشرات الاقتصاد الكلي وتنفيذ مبادرات واستراتيجية توطين الصناعة ودعم الصادرات وتقليل ميزان العجز التجاري بما بينعكس بشكل مباشر على قيمة الفتورة الاستيرادية السنوية.

 

سنمضى معا لصناعة مستقبل باهر

تابع الرئيس: "أؤكد بكل صدق وتجرد بأنني ورغم كل الصعاب سنمضى معا ليس فقط لعبور الأزمة ولكن لصناعة مستقبل باهر بإذن الله يليق بتضحياتنا ونفتخر ونحن نقدمه للأبناء والأحفاد".

سعيد بتواجدي في سوهاج

وألقى الرئيس عبد الفتاح السيسي، كلمة في ختام جولته بمحافظة سوهاج لافتتاح عددا من المشروعات القومية والتنموية، قال فيها: "كل سنة وانتو طيبين جميعا.. وإن شاء الله سنة سعيدة وطيبة علينا كلنا بأمر الله سبحانه وتعالى".

أضاف الرئيس السيسي، في كلمته: "إنه لمن حسن الطالع ومن دواعي سروري أن أستهل زيارتي الميدانية في مطلع عامنا الجديد 2023 بزيارة محافظة سوهاج، قلب صعيد مصر الطيب، أرض الخير والأصالة وبلد الحكمة التي عرفت أرضها الحضارة منذ آلاف السينين حين شرع أجدادنا في عمارة الأرض وبنائها، ولا أخفى عليكم بالغ سعادتي بوجودي وسط أهل سوهاج بصفة خاصة وأهل الصعيد بصفة عامة، ولا سيما وهم أهل الكرم والطيبة والشهامة".

أكمل الرئيس، قائلا: "أود أن أغتنم هذه الفرصة الطيبة كي أتوجه بتحية تقدير واعتزاز لجموع الشعب المصري العظيم، ذلك الشعب الأبي الكريم الذي يثبت كل يوم أن جذوره الراسخة في أرض التاريخ تلهمه ثبات الخطوات نحو المستقبل بإرادة صلبة وعزيمة راسخة، أهلنا الكرام في صعيدنا الطيب، إن الفخر قد بلغ بي مبلغه ونحن نشهد اليوم معا، تلك الإنجازات تتحقق والحلم الكبير لوطننا قد بدأت ملامحه تشكل واقعا ملموسا على الأرض، وقد كانت هذه الإنجازات ممتدة جغرافيا ومتكاملة قطاعيا وبتخطيط محكم ومصنوعة بسواعد مصرية قوية وقادرة على إحالة الحكم لحقيقية وصناعة الأمل بالعمل".