انفراد| اعترافات مثيرة للمتهم بقتل "محامي كرداسة": هربت من جوزها وأهلها ضربوني وخلوني أتجوزها
تنفرد بوابة "الفجر" تحقيقات قضية مقتل "بنداري حمدي" محامي كرداسة، بعد قتله على يد موكله.
وحددت المحكمة جلسة 9 يناير المقبل، أولى جلسات محاكمة المتهم "محمد فرحات" المتهم بـقتل بنداري محامي كرداسة.
س: وكيف قام المجني عليه سالف الذكر بمباشرة إجراءات تلك الواقعة؟
ج: هو قالي اعملي توكيل وأنا عملتله توكيل وادتهوله.
س: وما هو رقم التوكيل الذي أوكلت به المجني عليه سالف الذكر لتلك الواقعة؟
ج: أنا معرفوش.
س: وما الذي انتهت إليه تلك القضية؟
ج: هما الناس اللي ضريوني خدوا فيها براءة.
س: وكيف وقفت على ذلك؟
ج: الأستاذ بنداري هو اللي قالي.
س: وهل استبينت من سالف الذكر سبب تلك البراءة؟
ج: أيوه.
س: وما الذي أدلى لك به آنذاك؟
ج: قالي إن هما عملوا إعادة إجراءات والمباحث كتبت تحريات في صالحهم.
س: ومتى صدر الحكم في تلك القضية؟
ج: هو في نفس السنة تقريبا في سنة ٢٠١٥.
س: وهل قمت باسترداد سند وكالتك للمجني عليه آنذاك؟
ج: لا.
س: ولما؟
ج: أنا مكنتش شاغل بالي بالموضوع ده.
س: وهل انقطعت علاقتك والمجني عليه سالف الذكر عقب ذلك؟
ج/ ايوة
س: وكيف تجددت تلك العلاقة عقب ذلك؟
ج: لأن الناس اللي كانوا ضريوني في الواقعة اللي قلت عليها دلوقتي ضربوني بالنار تاني وأنا اتصلت على الأستاذ بنداري وحكيتله اللي حصل على أساس إن هو المحامي بتاعي وجالي المستشفى وكان معاه ضابط وسألوني مين اللي ضربني وقلتلهم على الناس اللي ضربتني والنيابة جت سألتني في المستشفى وبعد ما خرجت من المستشفى الأستاذ بنداري جالي البيت وقالي متشغلش بالك بحاجة أنا هحبسهم، وهربيهم وأنا قلتله خلاص ماشي وبعد فتره لقيته بيتصل عليا وبيقولي إن الناس اللي ضربوني بالنار أخدوا براءة.
س: ومتي كانت تلك الواقعة تحديدا؟
ج: هي كانت في ٢٠١٦ بس مش فاكر التاريخ بالضبط.
س: وما الذي انتهت إليه تلك الواقعة؟
ج: هو الأستاذ بنداري قالي إن المتهمين خدوا براءة.
س: وما هي بادئة علاقتك بالمدعوة/ نورا سعد محمد خضير؟
ج: هي اسمها نورا مسعد مش سعد وأنا كنت خاطبها من قبل الثورة.
س: وما هي تطورات علاقتك بسالفة الذكر؟
ج: أنا خطبتها فترة صغيرة وبعد كده عمي فشكل الخطوبة وكل واحد راح لحاله ساعتها ومكنش فيه بينا أي علاقة.
س: وكيف تجددت علاقتك بسالفة الذكر عقب ذلك؟
ج: أنا بعد ما انضربت بالنار وخرجت من المستشفى جاتلي البيت وقالتلي إن هي غضبانة من جوزها ومش هترجع لجوزها تاني وعاوزه تتجوزني وأنا قلتلها الكلام ده مش هينفع وخدتها ورحت على بيت خالها اسمه سعيد مسعد ولما رحت هناك راح أبوها وأخوها ضربوني وعوروني بمطاوي وانتقلت على المستشفى والنيابة، سألتني في المستشفى وقلتلهم على اللي حصل وخرجت وروحت بيتي ولقيت قرايبها جم بيتي ومعاهم الأستاذ ضغط عليا عشان أتجوزها واتجوزتها.
س: وهل خرر لواقعة التعدي عليك من أهلية سالفة الذكر محاضر قضائية؟
ج: أيوه.
س: وما هو الرقم القضائي لتلك الواقعة؟
ج: أنا معرفش.
س: ومتي كانت تلك الواقعة تحديدا؟
ج: هي كانت بعد واقعة ضرب النار بست أشهر بس أنا مش فاكر التاريخ.
س: وما الذي انتهت إليه تلك الواقعة؟
ج: الأستاذ بنداري قالي إن هما خدوا فيها براءة.
س: وما هو دخل المجني عليه/ بنداري حمدي بنداري بتلك الواقعة؟
ج: لأنه هو المحامي بتاعي وكان هو متابع القضية.
