الدولة تدخلت لمنع زيادة الأسعار.. 15 رسالة من الرئيس السيسي في افتتاح محور التعمير الجديد بالإسكندرية
أدلى الرئيس عبدالفتاح السيسي، بعدة تصريحات مهمة خلال كلمته فى افتتاح محور التعمير الجديد بمحافظة الإسكندرية
وترصد "الفجر" في السطور التالية أبرز تصريحات الرئيس السيسي:
1- 700 مليون جنيه تعويضات اجتماعية لإخلاء مكان محور المحمودية
٢-مستغربين قوي من التكاليف.. خليني أقول لكم إن شبكة الطرق كانت تخدم 30 مليونا وعلشان كده ما كنتش تبني تنمية ولا حركة
٣-اللى إحنا بنعمله نحاول نعمل شبكة تناسب 100 مليون ويمكن لمدة 10 سنين كمان.
٤-محور زى النوبارية كان ممكن ما يكلفناش لو ما كانش الناس اتعدوا على جسر المحور.
٥-الدولة تدخلت لمنع زيادة أسعار الكهرباء والغاز والسماد
٦-الدولة حرصت على عدم انعكاس زيادة الأسعار على المواطن
٧-يدخل سوق العمل مليون شخص سنويا ومفيش دول كتير تقدر توفر فرص لهذا العدد
٨-بكلم كل بيت مصري قولى وانتبه إزاى نوفر 3 مليون فرصة عمل خلال الثلاث وأربع سنين اللى جايين؟
٩-مش سايبين قطاع ما بنشتغلش فيه.. و250 ألف فدان قمح زيادة
١٠-في 250 ألف فدان زيادة فى القمح.. المفروض كانوا 400 ألف.. والسنة الجاية يوصلوا إلى مليون فدان بعيدا عن الرقعة القديمة وبعيدا عن الدلتا.
١١-الدولة تعمل بكافة القطاعات ومعلومات المشروعات متاحة للجميع
١٢-مش هقول الإعلام مش بيغطى ده ولا غطوا كويس.. هقول للناس بطلوا ترددوا الكلام اللى بيترمي.
١٣-كل المعلومات والبيانات متاحة على موقع مجلس الوزراء والوزارات المختلفة وفق الإنجازات التى تتحقق فيها.
١٤-إحنا بنحطكم فى الصورة يا مصريين علشان تعرفوا إننا بنحاول نخفف بالإمكانيات الموجودة عندنا.
١٥-المخالفات تعطل تطوير وبناء المحاور ودي فلوس مصر والناس
"مصر بتبنى المستقبل"
وفي سياق منفصل، شاهد الرئيس عبد الفتاح السيسي، فيلما تسجيليا بعنوان" مصر بتبنى المستقبل"، خلال فعاليات افتتاح محورالمشير أبو ذكري بالإسكندرية.
استعرض الفيلم جهود تطوير منطقة محور المشير أبو ذكري، بطول 35 كيلو مترا مرحلة أولى، و15 كيلو مترا في مرحلته الثانية.
ويعد محور التعمير الجديد إضافة ونقلة نوعية ضخمة من شأنه أن يفتح آفاقا تنموية جديدة لمنطقة غرب محافظة الإسكندرية بكاملها ويزيد من حيزها العمراني، ويربط ميناء الدخيلة بالطريق الصحراوي والطريق الدولى الساحلي ومدينة برج العرب، وليصبح شريانًا تنمويًا حيويًا لربط الإسكندرية بمدينة العلمين الجديدة عبر الطريق الساحلي.
كما يأتي محور التعمير كخطوة جديدة إضافية فى تنفيذ استراتيجية الدولة في إنشاء شبكة الطرق والمحاور على امتداد رقعة الجمهورية،تلك المحاور التى لم تعد تقتصر فقط على تسهيل حركة المرور وانتقال المواطنين، بل أصبحت المحاور المرورية شرايين جديدة للحياة تدعمجهود الامتداد العمراني المنظم، والتجمعات السكنية الحديثة، وتعزز من العوائد الاقتصادية والتجارية، وتوفر فرص عمل، كما تربط المشروعات القومية لتتكامل مع بعضها، وذلك انعكاسًا لرؤية تنموية شاملة وفلسفة علمية عميقة نحو البناء والتعمير والتنمية.
