ريهام سعيد بعد أزمة "منة شلبي": "مش علشان أدافع أبيح المخدرات" (فيديو)
علقت الإعلامية ريهام سعيد، على أزمة الفنانة منة شلبي، بعد إلقاء القبض عليها في مطار القاهرة الدولي لحيازتها مواد يشتبه في أنها مواد مخدرة قبل أن يتم إخلاء سبيلها بكفالة 50 ألف جنيه.
وقالت "ريهام سعيد" خلال تقديم برنامجها "صبايا الشمس" المذاع على فضائية "الشمس": "أنا مش عايزة اتطرق ومش هجيب سيرة اي حد ولكن لما أي حد يطلع البرنامج هو بيطلع برضاه علشان يؤثر في الرأي العام".
وأضافت "اللي بيحاول يدافع عن فنان أو فنانة معينة ويطلع يقولك أصل المارجوانا دي مش مخدرات، هو ده اللي خطأ لأن ابني بيتفرج عليك وتطلع تقوله أن نسبتها مصرح بها في الآخر، ولكن في الآخر دي مخدرات لو ملهاش أثر أنها تبقى إدمان ولكن لها أثر نفسي".
وتابعت "وهي كيمياء تدخل المخ مينفعش اطلع أقول أنها عادية ودي رسالة مش علشان ادافع عن حد أوصل رسالة للناس كلها خطأ".
