آخر رسالة لشاب قُتل غدرًا في ببورسعيد: "متعيطوش"

حالة من الحزن الشديد عمت بمحافظة بورسعيد، بعد وفاة أحد أبناء المحافظة، في مشاجرة نشبت بنطاق حي الزهور، وبعد كتابة منشور مؤثر عبر قصة صفحته الشخصية. 
 

لقي سيف علي علي محمد رشاد، شاب يبلغ من العمر 17 عامًا، ويقيم مع أسرته بمنطقة عمرو بن العاص مصرعه، نتيجة الإصابة بجرح نافذ بالصدر، وتوفي داخل مستشفى الزهور أثناء عمل الإسعافات الأولية.

وكتب سيف على صفحته الشخصية قبل وفاته بساعات: وصيتي وقرار مني لما أموت ما تقفلوش أي حاجه لي عشان افضل موجود بينكم وحتى لو نسيتوني فيسبوك بيفكركم بيا يوم عيد ميلادي ادعوا لي بس وامانه عليكم ما تدفنونيش بالليل أبدا مهما حصل وبعد ما تدفنوني خليكم قاعدين جنبي شوية لحد ما تعود على المكان اقرأوا سورة يوسف وياسين على قبري وشغلوا قرآن كثير ومتعيطوش عارف هيبقى غصب عني بس قولوا الشهادة وادعوا لي بالثبات عند السؤال، واللي بيحبني يهديني بالصدقة، الوقت هيمر وهتنسوا بس وقت ماجي على بال حد ويفتكرني يقرأ ليا الفاتحة، ربنا يجعلني من أهل الجنة ويغفر لي، ومش عاوز حد يكون زعلان مني، ولو زعلت حد مني في يوم حقكم علي أنا والله بحب كل الناس ومقصدش أزعل حد، أنا أسف لأي حد زعلته أو ضايقته، أنا قررت أنزل كل ده لأن فعلا العمر يا جماعة مش مضمون.