لبلبة لجمهورها خلال تكريمها في مهرجان القاهرة السينمائي الـ44:"شايفة كل الحب في عينيكم"

بدأت منذ قليل ضمن فعاليات مهرجان القاهرة السينمائي في دورته الـ٤٤ بدار بمسرح النافورة ندوة الفنانة لبلبة، احتفاءً بتكريمها بجائزة إنجاز العمر.

أمير رمسيس عن لبلبة :قلوقة على شغلها و من أكتر الفنانات إلتزامًا"

وأعرب أمير رمسيس، عن سعادته الكبيرة بتقديم ندوة الفنانة لبلبة، مُضيفًا:"سعيد إني أكون في مناقشة مع فنانة كان عندي حظ إني اشتغلت معها زمان مساعد مخرج، قلوقة على شغلها، واحدة من أكتر الفنانات إلتزامًا".

لبلبة تحضر بدرع تكريمها وتُعلق:" فرحانة بيه" 

وحضرت الفنانة لبلبة إلى ندوتها وهي مرتدية فستان قصير باللون الأسود، وحاملة درع تكريمها، حيث مازحت الجمهور قائلة: "فرحانة بيه".

وقالت لبلبة خلال استقبالها للجمهور:" شايفة كل  الحب في عينيكم واستقبالكم ليا، وبان كمان يوم الإفتتاح وأنا بحبكم".

كانت بتمشي زي البطة.. لبلبة تستعيد ذكريات دخولها للوسط الفني

وتحدثت الفنانة لبلبة عن كواليس بدايتها الفنية، حيث قالت:"الحقيقة أنا مختارتش موهبتي ابتدت تبان للجمهور وأنا ٣ سنين، الحكاية أهلى لاحظوا إني بقلد جيراني وقرايبي، أول واحدة قلدتها كانت عمتي، كانت بتمشي زي البطة، وكنت بقلد بتاع الفول، أمي لاحظت الطفلة دي غير أخواتها".

لبلبة تكشف كواليس تعاونها مع أنور وجدي 

وقالت لبلبة، أنه حينها كان هناك مسابقة، فذهبت للمشاركة فيها، مُضيفة:" أول ماسمعت المزيكا، طلعت فوق طربيزة رقصت ادوني الجايزة الأولى، نيازي مصطفى جه لوالدتي، قالها ممكن تشتغل في السينما أداها الكارت بتاعي، امي لبستني شريطة حمرا روحت على شركة نحاس فيلم، امي قالت فيلم والموضوع هيخلص، محدش كان يتصور بعد" حبيتي سوسو" يجيلي المخرج حسين صدقي، أنور وجدي كان بيدور على طفلة عشان يقدمها، حسن الصيفي كان مساعد مخرج لأنور وجدي، قاله في بنت بتشتغل في اسكندرية بتطلع تقلد الفنانين أنور وجدي اتخفى وطلع يتفرج عليا، حسين الصيفي قاله هاتلي دلوقتي لما دخل قالوله روحت،  جالي البيت خبط عليا أمي كانت أليطة، قالتله بكرة الصبح، قالها لازم دلوقتي دخلت عليه، تعرفي تقولي كده إن نعيمة بتحبك أوي أوي، قولت زي الريكوردر، وبعدها مضى ماما".