مبحبش أدافع عن نفسي.. حسام حبيب يكشف عن تفاصيل عودته لشيرين
في أول ظهور إعلامي لهما بعد أزمتهما الأخيرة، كشف الفنان حسام حبيب عن تفاصيل عودته إلى شيرين عبد الوهاب وكشف خطتهما لحياتهما معًا.
ومازح عمرو أديب شيرين عبد الوهاب سائلًا إياها عن ما إذا كان حسام حبيب بجانبها أم لا، قائلًا: ليكون طفش بسرعة.
فأجابت شيرين: لا مطفش، إحنا مبنطفش ياأستاذ عمرو إحنا بنعمر، حسام ملهوش أي علاقة ولا بيتدخل مين في حياتي دلوقتي ولا مين هيسيبها.
ووجه عمرو أديب السؤال لحسام حبيب من فيهما أقنع الآخر بالرجوع، فأجابه حسام حبيب مازحًا: هي طبعًا اللي أقنعتني.
وسأله عمرو أديب عن رأيه عن حالهما، وجاء رد حسام حبيب: إحنا زي أي إتنين في الدنيا، خناقاتنا كلها هبلة وعبيطة زي أي إتنين ولما حياتنا بتبقى مفتوحة على الناس هو ده اللي بيكبر المواضيع، والحاجات اللي بتتحط والسوشيال ميديا والناس تقول كلام متعرفهوش ده اللي بيخلي الموضوع يكبر
وأضاف: إحنا في الآخر بساط جدًا وخناقاتنا زي أي إتنين في الدنيا
حسام حبيب يكشف عن خطتهما لحياتهما
وتابع: حاطينا قواعد أنه فعلًا كل واحد محتاج يركز في حياته وحياتنا إحنا الأتنين مع بعض تبقى مقفولة علينا بردو وحاطينا كل واحد أهدافه إيه وإيه اللي كان مضايقه في التاني قبل مايحصل المشاكل دي كلها.
واستكمل: ووعدنا بعض أن كل واحد فينا هيشرف التاني، كل واحد فينا هيبقى عايز التاني فخور بيه، وفي نفس الوقت قرر إن حياتنا الخاصة دي لينا إحنا بس مش لأي حد تاني
رسالة حسام حبيب للجمهور
ووجه حسام حبيب رسالة لمن أخذوا موقف، قائلًا: حرام عليكوا إذا كان أنا بحبها زيكوا، وأنا كنت عاذر كل واحد خايف عليها، وعاذر كل واحد شايف إنها عدت بأوقات صعبة، وهي فعلًا عدت بأوقات صعبة، وأنا زي زيهم، أنا زيكوا كنت زعلان عليها.
وتابع: أنا مش هعرف أوضح لكل حد حاجة، وأنا من النوع اللي مبحبش أدافع عن نفسي.
وإختتمت شيرين قائلة: أنا ممتنة للحب وللإخلاص الجميل ده، وإنتوا تعبتوا فيا كلكوا وأنا هشرفكوا إن شاء الله
